Даволковонь 24-це чистэ Мордовия Республикань Прявтонь тевтнень топавтыцясь Артём Здунов якась Весероссиянь авиационной материалтнэнь научно-исследовательской институтов (ВИАМ).
Артём Алексеевич теевсь содавиксэкс институтонь научно-производственной юронть, истя жо лабораториятнень ды вишка тоннажонь производстватнень марто, косо нолдыть авиациянь промышленностенть ды лия отраслятнень туртов продукция. Региононь руководителентень ёвтнесть тевдеемань прявт ёнкстнэде ды институтонь од муевкстнэде-анокставкстнэде кшнинь ды аволь кшнинь материалтнэнь, вельтявкстнэнь, истя жо технологической процесстнэнь ды оборудованиянть коряс.
ВИАМ-со анокстазь аддитивной производствань пешксе циклась, течинь чине Россиясо сонензэ аналогт арасть. Артём Здуновнень невтизь авиационно-космической техникань детальтнень, конат теезь селективной лазерэнь сплавлениянть вельде, истя жо ёвтнесть те ёнкссо тевдеемадонть.
«Аддитивной производствась лезды кастомс производительностенть 30-ксть, материалтнэнь тевс нолдамонь коэффициентэнть 0,98-ксть, киртямс конструкциятнень сталмост 50% топологической оптимизациянть тевс нолдамонть вельде», - тешкстызе ВИАМ-нь Генеральной прявтось, РАН-нь академикесь Евгений Николаевич Каблов.
Вастовоманть лувсо кортавсть вейсэнь важодемань кевкстематне. Артём Здуновонь валонзо коряс, кортамось мольсь Мордовиянь Технопарконть виевгавтомадонзо, маласо шкасто ютавтови Технопарконь Научно-технической советэсь, сонзэ ветясы Евгений Каблов. Истя жо кортасть регионсонть производствань сферанть виевгавтомадонзо – невтемакс, оптической волокнань производствань коряс предприятиятнень (ОВС) ды «Электровыпрямитель» заводонть.
Мордовия Республикань Прявтонть пресс-службась
ВИАМ-со анокстазь аддитивной производствань пешксе циклась, течинь чине Россиясо сонензэ аналогт арасть. Артём Здуновнень невтизь авиационно-космической техникань детальтнень, конат теезь селективной лазерэнь сплавлениянть вельде, истя жо ёвтнесть те ёнкссо тевдеемадонть.
«Аддитивной производствась лезды кастомс производительностенть 30-ксть, материалтнэнь тевс нолдамонь коэффициентэнть 0,98-ксть, киртямс конструкциятнень сталмост 50% топологической оптимизациянть тевс нолдамонть вельде», - тешкстызе ВИАМ-нь Генеральной прявтось, РАН-нь академикесь Евгений Николаевич Каблов.
Вастовоманть лувсо кортавсть вейсэнь важодемань кевкстематне. Артём Здуновонь валонзо коряс, кортамось мольсь Мордовиянь Технопарконть виевгавтомадонзо, маласо шкасто ютавтови Технопарконь Научно-технической советэсь, сонзэ ветясы Евгений Каблов. Истя жо кортасть регионсонть производствань сферанть виевгавтомадонзо – невтемакс, оптической волокнань производствань коряс предприятиятнень (ОВС) ды «Электровыпрямитель» заводонть.
Мордовия Республикань Прявтонть пресс-службась