Артём Здунов – Рузаевкасо од эйдень кужодонть: «Пек вадря, тынь эзиде ветя экономия! Эйкакштненень эряви сехте вадрясь!»

Артём Здунов – Рузаевкасо од эйдень кужодонть: «Пек вадря, тынь эзиде ветя экономия! Эйкакштненень эряви сехте вадрясь!»

Мордовиянь Прявтонь тевтнень топавтыцясь Артём Здунов даволковонь 22-це чистэ Рузаевкасо важодемань коряс улемстэ якась од эйдень кужонтень. Сон стявтозь «Демография» нацпроектэнть лувсо, конань яволявтызе масторонь Президентэсь Владимир Путин. Кода толковизе Рузаевкань ёнксонь прявтось Александр Сайгачев, эйдень кужонть строямонзо вельде Рузаевкань те микрорайонсонть ней арась очередь.

Эйдень кужосонть теезь 108 таркат, эрьва группасонть теезь весемесь налксеманть ды тонавтнеманть туртов. Васенце этажсонть весе полтнэ эждевить!

Республикань руководителесь макссь питне од эйдень кужонь строямонь вадрячинтень ды функционалонтень. Тонавтнемань технологиятне – сехте покш уровнясот. Тесэ ули робототехника, республикань келес эйкакшонь телевидениянь вейкине студия – Артём Алексеевич кармавтсь Рузаевкань ТВ-нь прявтонтень нолдамс проект эйкакштнень марто.

Эйдень кужосонть ули весемесь эйкакштнень музыкань ёрокчист виевгавтоманть туртов – невтемакс, тесэ ули музыкань фотрепиано. Республикань руководителесь кунсолызе сонзэ гайгемазо ды кадовсь мельспаросо: «Пек вадря, тынь эзиде ветя экономия - пек вадря гайгемась, те инструментэсь максы ламо возможность. Эйкакштненень эряви сехте вадрясь!»

Мордовия Республикань Прявтонть пресс-службась