Середасто, сундерьковонь 25-це чистэ, Мордовия Республикань Прявтонь тевтнень нурька шкас топавтыцясь Артём Здунов ульнесь «Юбилейный» микрорайонсонть, косо ваннынзе «Тавла» эрямонь комплексэнь васенце этажтнень, тозонь арсеви кельгстемс Федеральной казначействань од учреждениянть. Теевиця подразделениянть прявт смустезэ – Равчирень федеральной округонь исполнительной властень федеральной органтнэнь бюджетэнь учетонть ветямось. Проектэнь топавтомань васенце пелькссэнть арсеви саемс 200 важодицят.
«Республикасонть пштистэ ашти занятостень кевкстемась, тесэ теевить вадря зарплата марто важодемань од таркат. Те федеральной казначействань покш проектт, ды 200 ломанть – ансяк ушодкс!» - тешкстызе Артём Здунов.
Мордовия Республикань Прявтонть пресс-службась