Мордовиясь – масторонь светотехнической промышленностень куншкакуро: республикасонть важодить лампатнень, светильниктнень, электронной компоненттнэнь, электрооборудованиянь, пускорегулирующей аппаратурань производствань коряс покш предприятият. «Рефлакс - С» заводось сови региононь светотехнической кластерэнтень, нолды газоразрядной лампат, истя жо ушонь ды теплицатнень валдомтомань туртов светильникть.
Саранскоень предприятиянь продукциясь эрявикс ды кирди конкуренция рынкасонть прявт производительтнень теевкстнэнь марто, пачтяви Китаев, Казахстанов, Белоруссияв.
Масторонь ламот теплицатне валдомтовить «Рефлакс – С» предприятиянь лампатнесэ. 2018 иень масторлангонь чемпионатонтень стявтозь Россиянь футболонь кото стадионтнэсэ путозь Саранскойстэ валдомтомань оборудованиятне. Валдомтомань газоразрядной источниктнень производстванть коряс «Рефлакс – С» кадовсь Россиясо вейкине предприятиякс.
Республикань Прявтонть кедьсэ вастовомасонть ваннозь межпроизводственной кооперациянь кемекстамонь ды кадратнень улемань кевкстематне. Ледстясынек, Артём Здуновонь ушодксонзо коряс примазь решения содавтомс эйкакштнень производстванть марто школатнестэ ды эйдень кужотнестэ саезь, учови, те канды цетавкст сы шкастонть. «Рефлакс – С» истя жо ютавты экскурсият школасо тонавтницятнень туртов, невти тенст производствань лувонть, содавты светотехникень профессиянь башка енкстнэнь марто.
Мордовиянь Прявтось тешкстызе: те эряви сень туртов, штобу республикась ванстоволизе масторонь светотехнической прявтошонь статусонть.
Мордовия Республикань Прявтонь Пресс-службась