Россиянь Вооруженной вийтнень мельвановикс солдатт ды офицерт! Армиянь ды флотонь вечкевикс ветерант! Ёвтан тенк седейшкавань поздоровт Тиринь масторонь ванстыцянь чинть – алкуксонь цёратнень, виев ды кеме обуця ломантнень кенярксчинть кувалма!
Минек масторонь воинской историясонть ламо изнямонь лопат, конат саизь ушодксост кезэрень шкатнестэ, невтить поколениятнень сюлмост. Минь свал карматанок кирдеме мельсэнек Мордовиянь сеть ломантнень, конат честь марто ванстасть минек масторонь олячинть, топавтсть ратной долгост эрьва кодат аладямотнесэ, вадрясто топавтыть тевест течи.
Минек государствань обороноспособностень кемекстамонтень редявикс путовкс теи республикась. Ковылкинань ёнкссо важоди од РЛС, конась пштистэ ваны Россиянь границятнень мельга. Минек зярыя предприятиятне важодить РФ-нь Оборонань министерстванть марто, нолдыть продукция, конась лади кемечинь сехте покш уровнянтень. Минек призывниктне коень коряс яволявтовить сехте шумбракс ды анокстазекс Равчирень федеральной округсонть ды масторсонть. Мордовиясо виевгавтовить кадетэнь, патриотической, вешнемань отрядтнэ, од армеецтнэнь движениясь.
Евтан сюкпрянь валт сеттненень, кить ней аштить боевой постсо, покш честь марто невтить минек республиканть Россиянь Армиясонть.
Седейшкава арсян тыненк ды малавиксэнк туртов кеме шумбрачи, часия, паро эрямо ды валдо менель Тиринь масторонть велькссэ!
Мордовия Республикань Прявтонь тевтнень топавтыцясь А.А.Здунов