Васенцекс Мордовиянь Прявтось якась «Информационные технологии в медицине» Прорывной ванноматнень-тонавтнематнень куншкакуронтень. Сон панжозь РФ-нь Минздравонь Самарань государственной медицинской университетэнть юрсо. Арсевкстнэ-теевкстнэ тесэ топавтовить пешксе инновационной цикланть лувсо: мельтнень-арсематнень эйстэ саезь коммерциализациянть видьс.
СамГМУ-нь Прорывной ванноматнень-тонавтнематнень куншкакурось вети ПО-нь ды покш технологичной медицинань оборудованиянь анокстамонть, тевс нолдавить неень шкань ламот технологиятне. Мордовиянь делегациянтень евтнесть автоматизированной информационной систематнеде, даннойтнень базатнень управлениянь систематнеде.
Башка мель явозель реабилитациянь коряс Куншкакуронь арсевкстнэнень-теевкстнэнень – те беряньстэ якицятнень пассивной ды активной реабилитациянь, лексемань тренингтнень ютавтомань туртов тренажерт ды аппаратно-программной комплекст.
Теде башка, масторонь лецямонь ламот учреждениятнесэ путозь пациенттнэнь физиологической невтевкстнэнь дистанционной мониторингень туртов системат. Куншкакуросонть истя жо теевить виртуальной реальностень технологиятнень юрсо тонавтомань тренажерт ды симуляциянь системат медицинской образованиянть туртов.
Мордовиянь учреждениятнесэ уш нолдави тевс реабилитациянь оборудованиясь. Кемекстазь решения нолдамс тевс республикань клиникатнесэ ломанень физиологической функциятнень дистанционной мониторингень системанть.
Мордовия Республикань Прявтонь Пресс-службась