Мордовиянь Прявтось: "Минь поладтано емавтомо ламо ломанть паломатнесэ - те а нолдавикс!"

Мордовиянь Прявтось: "Минь поладтано емавтомо ламо ломанть паломатнесэ - те а нолдавикс!"

Ожоковонь 23-це чистэ Мордовиянь Прявтонть кедьсэ эрьва недлянь оперативной промкссонть кортамось мольсь паломатнень ды эйсэст ломантнень маштоматнень а нолдамодост. Республикань руководителесь мерсь, те иень 9 ковтнень перть республикасонть паломатнесэ маштовсть 46 ломанть. 

"Статистикась а кенярдовты, ды, ризксэс, иестэ иес сон а вадрялгады, - тешкстызе Артём Здунов. - Тень кувалма эряви виевгавтомс эрямонь пунктнэсэ кирвазематнень а нолдамонь коряс важодеманть". 

Мордовия Республикава Россиянь МЧС-нь Главной управлениянь пачтямонть коряс, кирвазематнень прявт тувталось - сэтьмечинь прявт вешематнень а топавтомась. Вете иетнень перть ванноматне невтизь, сексень-телень шкасто эрямонь секторсонть паломатне ламолгадыть 70% видьс. 

Неень шкане республикасонть рискень зонасо аштить малав 22 тежат сыре ломанть, истя жо эрицятнень социальной апак вансто группатне. Мордовиянь Прявтось кармавтсь саемс сынст башка ванновт алов, те токши кода местной самоуправлениянь органтнэнь, истя жо газонь организациятнень. Эряви якамс кудотнева, редямс, косо а маштови каштомань уштомапелесь ды газонь оборудованиясь, шкастонзо сонзэ витемс. 

"Эряви кавто недлянь перть топавтомс те важодеманть, ванномс весе кудотнень, - мерсь Артём Алексеевич. - Тень эряви топавтомс покш ответственность марто, секс мекс телесь курок сы, уштомань шкась ушодовсь. Сыре ломантнень, покштятнень ды бабатнень, эряви саемс башка ванновт ало, сыненст лездаст волонтертнэ. Миненек эряви ванстомс ломантнень!"

Мордовия Республикань Прявтонь пресс-службась