Артём Здунов сонсь сакшнось кудонь эрицятненень ды натой лездась строицятненень площадкань путомасонть - вице-премьерэнть Инсаф Хайруллин ды мэрэнть Игорь Асабин марто вейсэ валсть бетон налксемань од элементтнэнь алов. Ней тесэ карми ламо мельстуиця эйкакштнень туртов – аволь ансяк нурсемат ды човар, истя жо неень шкань спортонь оборудования.
Важодемантень кундасть ялгаксчисэ, ды куроксто весемесь ульнесь анок. Республикань Прявтонть ваксс састь кудонь эрицятне – евтасть сюкпря эйкакшонь од площадканть кисэ ды энялдсть лездамс эште вейке умонь стакачинть коряс, сондензэ евтнесь ТСЖ-нь председателесь Тамара Мадонова. «Минек подвалс свалшкане сови ведь. Пшкадекшнынек горводоканалов, лембень сеттнес. Ансяк стакачись а витеви. Лездадо тенек, инескеть», – пшкадсь сон Артём Здуновнень.
Мордовиянь Прявтось макссь кармавтома вице-премьерэнтень Инсаф Хайруллиннэнь ды Саранскоень мэрэнтень Игорь Асабиннэнь муемс ведень совамонь тувталтнэнь ды Правительствань сыця субутань промкссонть пачтямс, кода те стакачинть витемс. «Тевесь – аволь костямс подвалонть, а педе-пев топавтомс тевенть», – тешкстызе Артём Здунов.
Мордовия Республикань Прявтонь пресс-службась