Тедеде Рузаевка ошонть пельде кочкамосонть 2 объектт: Привокзальной площадесь ды Луначарской курованть панжадо менеленть ало боевой техникань музеесь.
Площаденть мазылгавтыть Пазонь Авань Казанской пазаванть лемсэ часовнясь, Л-2345 «Лебедянка» паровозось, истя жо машинистэнть ды сонзэ тонавтницянть бронзань фигуратне. Мелят тесэ панжозель ине флотоводецэнтень Федор Ушаковнень бюстось. Привокзальной площадесь – те аволь ансяк чугункань кинть лангсо важодицятнень ошонтень, истя жо республикантень ортатне.
Панжадо менеленть ало музеесь – ошонь эрицятнень ды инжетнень оймсемань вечкевикс таркатнестэ вейкесь. Выставкасонть невтезь сехте содавикс экспонатось – те МИ-8 вертолётось.
Ледстясынек, Весероссиянь рейтингень вайгелень максомась ютавтови «Жилье и городская среда» национальной проектэнть коряс, конань яволявтызе Россиянь Президентэсь.