«Стратегической виевгавтомань ды национальной проекттнэнь коряс Советэнь аволь умонь промкссонть, конань прявтсо минек Президентэсь, прявт тевекс ёвтазь масторонь экономикань структурань перестройкась. Эряви кастомс отечественной товартнэнь тевс нолдамонть. Сехте прявтось - промышленностень покш технологичной отраслятнень лангс нежедемась ды покш технологической важодемань таркатнень теемась. Весементь эряви теемс нурька шкасто - 2030 иенть самс. Тень кувалма минек республикань Социально-экономической виевгавтомань программантень эряви совавтомс весе неть ёнкстнэнь», - мерсь Артём Здунов.
Виевгавтоманть туртов прявт ёнкстнэнь ютксо тешкстазь промышленностень истят отраслятне, кода машиностроениясь, радиоэлектроникась, фармацевтикась, истя жо креативной индустриятне, туризмась ды лият.
Промксонтень пурнавозетне кортасть, кодат ёнкст улест совавтозь региононь вете иень од программантень. Истя жо эйсэнзэ невтевить тевтне, конат аравтозь ломантнень эрямост вадрялгавтомантень.
Ледстясынек, ней регионось топавты 2022-2026 иетнес социально-экономической виевгавтомань программанть – Россиянь Президентэнть Владимир Путинэнь кармавтоманзо коряс сонзэ кемекстызе Россиянь Правительствась. Документэнть коряс виевгавтовить экономикань прявт отраслятне федеральной бюджетэнь ярмактнень явовтоманть вельде.
Мордовия Республикань Прявтонь Пресс-службась