Диплом максозь Саранскоень «Эйкакшонь ярсамопелень станциянтень», конась кармась пелькстамонь изницякс. Кода тешкстызе Мордовиянь Прявтось Артём Здунов, «Эйкакшонь ярсамопелень станциясь» – уш содавикс бренд. Те эйдетнень туртов органической чапамо ловсонь продукциянь Россиясо васенце ды вейкине производитель. Ассортиментсэнть – 30 седе ламо лемть. «Станциянь» ловсонть содасызь ды вечксызь масторсонть. Казнесь эште весть тешксты тень.
«Органической велень хозяйствась – те енкс, конань кувалма миненек течи истя жо мереви кирдемс каштанчи. Минек производительтне бажить виевгавтомс Россиянь органической рынканть. Минь нейсынек ды макстано покш питне тынк важодемантень, секскак минек тевесь – кирдемс предприятиятнень ды седе ламо ломантнень содавтомс алкуксонь ды вадря продукциянть марто», – мерсь Федерациянь Советэнь Председателень Васенце полавтыцясь Андрей Яцкин.
Национальной органической пелькстамонть ютавты Федерациянь Советэнь эгиданть ало Федерациянь Советэнь аграрно-продовольственной политикань ды природопользованиянь коряс Комитетэсь РФ-нь Велень хозяйствань министерстванть ды Роскачестванть марто вейсэ «Органика» Фондонть лезксэнзэ пингстэ.
МР-нь Пресс-центрась