Те площадкась тешкстызе поколениятнень сюлмонть - эдь «васенцетне» ламосо аштить советэнь шкань пионертнэнь тевест поладыцякс. Ды сонсь Саранскоень Грузинской куросонть Эйкакшонь шкинемань куншкакуронть ошонь ламот эрицятне кода икелеяк лемдить Пионерэнь кудокс. Эйкакштнень дополнительной образованиянь те организациясь парсте содавикс ошонь эрицятненень - эйкакштнень аволь вейке поколения тонавтнесь тесэ морамо, артомо, киштеме, ояксчисэ эрямо, спортонь ориентированиянь, авиамоделированиянь ды ламо лия ёрокчитнень тонавтнеме. Кода икелеяк, Эйкакшонь шкинемань куншкакуронь фойесэнть аштить покш аквариумт - сынст эрицятне дивавтыть эсь мазычисэст, кармавтыть дивсеме минек планетань ракшань сюпавчинть кувалма. Тонавтомс эйкакштнень дивсеме - паряк, тонавтыцянть прявт тевезэ. Апак абунгадо тонавтницятнень а карми мелест ды бажамост пурнамс од содамочить.
Республикань Прявтось теевсь содавиксэкс Куншкакуронь важодеманть марто, эйкакштнень ды сынст наставниктнень марто, тешкстызе, те таркась пешксе историядо ды опыттэнть, конань эряви саемс мельс-тевс. Республикань руководителесь варштась Приключениятнень школань занятиятнес, кортась од музыканттнэнь ды киштицятнень, программисттнэнь ды шахматисттнэнь марто. Тетятненень-аватненень мереви улемс сэтьмекс: эйкакштненень тесэ пек тукшны мельс.
Координационной советэнь промксонь прявт кевкстемакс кармась Васенцетнень Движениянь Кудонть теемань коряс школасо тонавтницятнень пельде мельтнень-арсематнень кортамось. Республикасонть движениясь токши 60 тёжадо седе ламо ломанть. Прявтось, важодемась ветяви стака обуця од ломантнень мартояк - сыненст пек эряви лезкс эсь иень ялгатнень ды превс путыцятнень пельде.
Мордовиянь командась яви башка мель од ломанень политикантень. Умарьковсто республикасонть ютавтовсь «Большая перемена» Весероссиянь пелькстамонь полуфиналось. Сундерьковсто минь омбоцеде приминек васенце лезксэнь явомань коряс Весероссиянь чемпионатонь финалонть.
«Минь эштё весть невтинек, Мордовиянтень мереви ютавтомс эрьва кодамо уровнянь фестивальть, чемпионатт ды мероприятият», - тешкстызе Артём Здунов.
Сы иестэ республикасонть панжови иень перть важодиця семиянь куншкакуро, ютавтовить зярыя лия покш мероприятият, конатнесэ примить участия Васенцетнень Движениянь представительтне.
Весе мельтне-арсематне, конатнень яволявтызь эйкакштне, ладить сень туртов, штобу совавтомс эрямос. Покштне лездыть - промкссонть ульнесть Мордовия Республикань Прявтонь ды Мордовия Республикань Правительствань Администрациянь представительтне, Правительствань члентнэ, министерстватнень руководительтне, Саранск ошонь округонь ды педагогонь сообществань представительтне, вузтнэнь ректортнэ. А эряви кавтолдомс, Васенцетнень Движениянь Кудось тееви. Те кевкстемась ашти республикань Прявтонть ванновтонзо ало.
Мордовия Республикань Прявтонь Пресс-службась