«Трансмашхолдинг» АО-сь-чугункань кинь ды ошонь рельсань транспортонть туртов таркасто таркас шаштневиця составонь Россиясо сехте покш ды масторлангсо сехте покштнестэ вейке анокстыцясь-теицясь ды нолдыцясь.
Кирилл Липа ёвтась сюкпря Мордовиянь командантень лезэв вейсэнь важодеманть кисэ ды ёвтнесь сыця иентень компаниянь инвестициянь аравтлувтнень лувсо холдингенть РЖД-нть марто вейсэнь тевдеемань келейгавтомадонть. Сынст эйсэ эрязасто тевс нолдазь «Трансмашхолдингсэ» нолдавиця подвижной составось ды, нама, Саранскоень «Электровыпрямитель» заводонь комплектующейтне.
Предприятиянть вадрят важодемань невтевксэнзэ. Тевс нолдазь од продуктт - управлениянь система марто преобразовательть, конат ней кармить нолдавомо тевс ТМХ-нь тепловозтнэнь туртов. Мордовияв кандови аппаратонь производствась. Сон панжови заводонь площадьтнесэ сынст витнемадост мейле, нолдавить технологиянь од решениятне, ладяви продукциянь 50 седе ламо позициятнень нолдамось. Истя жо сы иестэ арсеви ушодомс транзистортнэнь, силовой полупроводниктнень производствань коряс покш бизнес-планонть, инвестициятнень вейсэнь покшолмась малав 2 млрд целковойть.
Тешкстазель, предприятиясь топавты эсензэ лангс саезь весе тевтнень. «Электровыпрямителенть» «Трансмашхолдингенть» марто вейсэнь тевдеемань ушодовомастонть саезь минек заводось производствань покшолматнень кастынзе 3-ксть : 2 млрд-сто саезь 6 млрд целковойс. Топавтозь налогонь пандоматнень, зарплататнень кастомась, важодицятнень свалшкань ламочинть ванстомась. Ладязь кадратнень целевой анокстамось Н. П.Огарёв лемсэ МГУ-нть марто вейсэ.
«Лезксэсь, конань яви республикань руководствась, максы тенек возможность касомс-кепетемс», – тешкстызе «Трансмашхолдинг» АО-нь од проекттнэнь виевгавтомань коряс прявтось Сергей Реботенко.
Мордовиянь Прявтось тешкстызе: прявт тевесь – виевгавтомс од компетенциятнень, келейгавтомс производствань вийтнень. Те лезды седе товгак лисемс од рынкатнес, теемс республикань сехте умонь предприятиятнестэ вейкесэнть важодемань таркат.
Истя жо кортасть ТМХ-нь предприятиятнень туртов поставщикень чинть ютавтомадонзо.
Мордовия Республикань Прявтонь Пресс-службась