Артём Здунов китькстазе, што Мордовиясь получси оцю лезкс федеральнай центрать – Россиянь Президентть Владимир Путинонь и странань Правительствать ширде. Тя лезды республикати ётафнемс эряфс эрявикс инфраструктурнай и социальнай проекттнень, конат касфнесазь ломаттнень эряфснон качестванц, оцю аськолксса вятемс работать национальнай сембе проекттнень мяльса кирдезь.
Эфирса, конешна, кайгсть конкретнай кизефкст республикань эряйхнень эзда.
Основной темакс арасть кинь, ялга якамань тротуаронь петемась и строямась, куд пирьфонь и общественнай территориянь мазоптомась, жилищно-коммунальнай хозяйствась, тяконь лувксса шямоню ведень прябалась и лифтонь полафтомась.
Эряйхнень тяфта жа мяльснон салсесы социальнай учреждениятнень петемасна и строямасна, уроз иттненди эряма вастонь максомась, аварийнай эряма вастста эряма лия вастс ётафтомась, общественнай транспортть работац, здравоохранениянь учреждениятнень одкстоптомасна и населениять медицинскяй обслуживандамац.
Граждаттнень эзда поступась и мзярошка мяль-арьсема, конат сотфт Саранскяйть благоустройстванц мархта – Артём Здунов кирдезе тянь ширенц и мярьгсь сявомс работас.
Ульсть кизефкст и специальнай военнай операциянь участникнень семьяснон членцнон, СВО-нь ветераттнень эзда. Сембе синь сявфт башка контроль алу.
Мордовиянь Оцюнять прямой эфиронцты республикань эряйхнень эзда сась 1000 малава кизефкс. Сембе пшкядематне, конат апак астольхть трансляциять пингста, кучевихть министерстватненди, ведомстватненди и муниципалитеттненди тевонь вятеманкса и мерань примаманкса.
Васенцеда прямой эфирсь ётафтовсь од форматса - «Всероссийскяй государственнай телевизионнай и радиовещательнай компаниять» площадкаса («Мордовия» ГТРК-сь). Тяфта жа прямой эфиронь трансляциять эсь ресурссост ётафтозь «Мордовиянь Народнай телевидениясь», «Мордовия Республика» официальнай пабликне ВК-са и ОК-са. Тяда башка, текстовай прямой трансляциять вятезь «Известия Мордовии» газетась, республикань СМИ-тне и блогерхне.
Мордовия Республикань Оцюнять Пресс-службац