Интеллектуальнай собственностень кизефксне фармацевтическяй отрасляса тяниень пингть ащихть особенна оржаста, сяс мес эффективнай правовой регулированиясь и правоприменениясь видеста максси влияния странань надобиянь независимостень пяшкодемать лангс. Отечественной фармацевтикать вишкста касомац-вииямац вешенди правовай механизмань одкстопфтома, омба масторонь правообладательхнень и отечественнай нолдайхнень ёткса интересонь балансонь строямаса.
Обсуждениянь участникокс тя темать эса арасть Роспатентть руководителец Юрий Зубов, Российскяй Федерациянь шумбрашинь ванфтомань Министрть полафтыец Сергей Глаголев, ГК «Промомед»-ть директоронь советть председателец Петр Белый. Ширетне корхтасть, кодама шава вастт улихть патентнай регулированияса, мезе сувафтф пяшксе циклань отечественнай производительхнень кирдемазост интеллектуальнай собственностень кизефкснень ширде, кодама патентнай стратегиятне производительхнень ёткса эхянь цебярьхне анави импортозамещениянь условияса.
Мордовиянь Оцюнясь китькстазе, што республикаса 40% кассь изобретательскяй активностень коэффицентсь, тянь мельге кассь и патентонь лувкссь. «Ломаттне кармасть верондама, што синь интеллектуальнай деятельностень результатсна можна и эряви ванфтомс», - китькстазе Артем Здунов.
Республикань руководительсь азондсь кирдемань мератнень колга, конатнень макссесыне регионц. Ётай кизоть Мордовияса сувафтф нулевой налогонь ставкась прибыльть лангс налогть коряс лицензионнай договорхнень коряс интеллектуальнай деятельностень результаттнень лангса праватнень мархта распоряжениять пингста, а тяфта жа целай ряд лия преференция. «Мяльце оформляндамс патент – минь 100% можем субсидировандамс ётафт ярмакнень», - мярьгсь Мордовиянь Оцюнясь.
Тяка пингть республикань руководительсь китькстазе, што фармацевтическяй компаниянь араламань кизефксненди эряви макссемс сяда оцю ванф. «Ламоц омба масторонь компаниятне занязь тя рынкать и аф макссихть тейнек вииямс. Государственнай политикафтома тя сферать эса минь фармацевтическяй компаниянеке аф сяськихть», - мярьгсь Артем Здунов.
Мордовиясь эрязста виияфнесы фармацевтическяй направлениять –Саранскяйса покоди «Биохимик» заводсь ГК «Промомед». Мекольце колма кизотнень импортозамещениять видеса предприятиять мархта ульсь содаф противовируснай лекарственнай препаратонь и антибиотиконь COV1D-19-ть лечиндаманцты нолдамась, эряз антибиотиконь фармацевтическяй субстанциянь произвозводствась. Президентть участиянц мархта «Биохимик» компаниять площадканц лангса ульсь панчф странаса инь оцю эряз фармсубстанциянь производствась 150 наименования коряс, заводть мощностец – 340 тонна кизоти (тя антибиотикт, противовируснай препаратт, сердечно-сосудистай сярядемань лечениянди средстват, ВИЧ-ть, миорелаксантт.
Штоба локализовандамс странаса пяшксе цикла тяниень пингонь лекарственнай средствань биотехнологическяй производствать, Мордовиянь Правительствась ГК «Промомед»-сь и Н.П. Огарёвонь лемса МГУ-сь ноляй эряфс Мордовскяй федеральнай биотехнологиянь касомань-вииямань центрань тиемань коряс проект.
Мордовия Республикань Оцюнять пресс-службац