«Игорь Юрьевич, мекольце пингть сидеста ушедсть сашендома пеняцямат ошса ульцянь аф цебярь валдоптомать или далой аф валдоптомать лангс - Николаевка покодемань поселкаса, Юго-Западнай кудпирьфса, Рабочай ульцяса, Химмашса – Гожувскяй, Лихачева ульцятнень эса. Кода ёрат урядамс нят пинкнень?» - пшкядсь мэрти республикань руководительсь.
Юго-Западса, кода мярьгсь Игорь Асабин, мольсь ульцянь валдоптомань светильниконь полафтомась. Эряйхненди тянь колга ульсь азф управляющай компаниятнень вельде. Тяни покодематне участкаса шумордафт.
«Азондость тянь колга сембе заявительхненди, конат пшкядсть тя кизефксть мархта соцсеттнень вельде», - мярьгсь Артем Здунов мэрти.
Марнек инвестпрограммать коряс августть пес кармай тиф ульцянь валдоптомань сетень педа пес петема Саранскяень 16 ульцяса. Синь ётксост:
- пр. 50 лет Октябрять участкаса Гагарина ульцяста сявомок М. Расковой ульцяти молемс,
- Гагарина ульцяса участкатнень эса А. Невского ульцять эзда сявомс Коммунистическяй ульцяти молемс, Васенко ульцяста сявомс Полежаева ульцяти молемс,
- Павлик Морозовать ульцяса нежеди улицятнень (Парковай, Васнецовонь, Крыловонь ульцятнень эса),
- Ялга поселкаса Пионерскяй ульцяса.
Гожувскяй ульцяса тяниень пингть мольфтеви парконь мазоптома, конань видеса специалисттне покодсть действующай сетть эзда. Рабочай и Лихачева ульцятнень эса ульсть техническяй сбойхть, синь ётксост атямда меле. Тяни синь пцтай пяшкотьфт.
Мезсь токсесы аф валдоптф Народнай ульцянь пакшть Николаевка поселкаса, республикань Оцюнясь мярьгсь мэрти пяшкодемс тя кизефксть.
«Ётада сембе няфтьф пеняцямвтнень эса ульцятнень ланга, ваность, штоба сембось улель порядкаса», - мярьгсь Артем Здунов.
Мордовия Республикань Оцюнять пресс-службац