Мордовиянь Оцюнясь Артем Здунов и республикать делегацияц 28 ноябрьста примасть участия Сембе масторонь русскяй народнай соборть пленарнай заседанияса – сон ётась Христос Спасительть Храмса церковнай соборонь залса Московскяй и всея Русинь Патриархть Кириллть вятеманц ала.
Духовенствань, региональнай властень органонь представительхне, благотворительхне, наукань, образованиянь, культурань деятельхне, ведомствань руководительхне, депутаттне, СВО-нь геройхне арасть странати важнай кизефксонь ваномать эса участникокс.
Русскяй мирти няеви лангонь эйфнематнень эзда Святейшай Патриархсь лемдезень военнай действиятнень поладомаснон, братскяй народтнень ёткса кяжть касфтомац, конань кирнесазь содаф лангонь вийхне. Русскяй мирсь, кода китькстазе Патриархсь, - тя оцю духовнай питнишинь культурнай пространства, нравственнай установкань пусма, конат аф сотфт государственнай границатнень, национальнай и религиознай аф фкакс шить мархта.
Нят питнишитнень инкса тяни геройкс ащихть минь воиннеке. «Западнай мирть, конац тонадсь лама кизонь культурнай эсь прянь кельгоманцты, аш мялец согласиндамс минь праваньконь мархта эсь лацонь шиньконь лангс. Сюкпря Шкайти, што минь Президентоньке, конанц лангса оцю ответственность, няфни мудрай рассудительность, хладнокровия и сетьмеши нят стака обстоятельстватнень ёткса, аф максси пря циничнай и дерзкяй провокациятненди, но поладкшнесы эсь кинц путф цельхненди - Русскяй мирть интезезонзон араламаснон», - мярьгсь Святейшай Патриархсь.
Эсь шумбракстоманц участникненди кучезе странань Президентсь Владимир Путин – сонь пленарнай заседанияса лувозе РФ-нь Президентть Администрациянц руководителенц васенце полафтыец Сергей Кириенко. «Соборть повесткаса - кизефксне, конатнень ули определяющай значениясна странать сувереннай виензаманц лангс, Русскяй мирть сембе оцю пространстванц вандыень шинц: тя минь ламамиллионнай народнеконь фкаксинц кемокстамац, койхнень, духовнай и нравственнай питнишитнень ванфтомасна. Ломаттнень ялгаксшиса эрямасна, Отечествань интереснонь инкса ащемати анокшись лездыхть тейнек макссемс каршек вал сембе вызовнень лангс, прянь апак нолдак молемс инголи», - корхтави шумбракстомаса.
Пленарнай заседанияса корхтасть «Русскяй мир» темать эрь кодама аспектонзон колга - военнайть, экономическяйть, культурнайть, религиознайть, образовательнайть. XXVI Сембемасторонь русскяй народнай соборть итогонзон коряс кармай тяштьф и лувф Соборнай валсь.
Мордовия Республикань Оцюнять пресс-службац