Артем Здунов, вице-премьерхне Наталья Таркаева, Инсаф Хайруллин, Алексей Ежов и лия инжихне оцю мяль вельде ванозь выставочнай пространствать, корхнесть ошэряйхнень, синь ётксост од ломаттнень мархта.
Илань программась ульсь оцю – эсь выступленияснон мархта кенярьфтезь самодеятельнай артисттне и творческяй коллективне, мялень салайкс арась патриотическяй балсь.
Республикань Оцюнясь илафтозень Рузаевкань эряйхнень и инжихнень Россиянь и ошень Шить мархта, сюконясь Шачем Масторти кельгоманкса, арьсесь валда и пара эряф.
«Рузаевкась арась Россияса содавиксокс. Сонь содасы Президентсь, содасыне проектонзон - мон фалу азонкшнеса теенза, мезе минь ширнек тиендеви. Тяса ащи социально-экономическяй виензамань инголи моли территориясь, работайхть содаф предприятиятне, синь ётксост промышленнай вагоностроениянь лидерсь, оцю клянцеконь заводсь, лама строительствань предприятия. Рузаевскяй районц содаф эсь велень хозяйстванц мархта. Тейнек ули мезенкса кенярдемс! Инь прявкссь, што минь од ломаньнеке тячи мархтонк. Рузаевкать оцю вандыень шиц, тейнек сави лама покодемс, штоба ошсь улель мазы, штоба кенярькшнельхть и тястоконь эряйхне и инжихне! Покодемада нинге лама, но минь покодемада аф пельхтяма!» - мярьгсь Артём Здунов.
Мордовия Республикань Оцюнять пресс-службац