«Лад мялезон васьфтемс тинь инжиень кельги мокшэрзянь масторса! – пшкядсь омба масторонь инжихненди Артем Здунов. – Тинь участиянте тя форумса пяк эряви теенк. Мордовиясь панжада марстонь соткосонь кирдемати, минь покоттяма омба масторонь партнерхнень мархта ламоц аф фкя лацонь направления коряс. Республикаса внешняй мишендемась исламонь масторхнень эса лиси 40% сяда лама».
Мордовия Республикань Оцюнясь шарфтсь мяль сембе ширде модать и паршиень ванфтомать лезксонь кандоманц государстватнень ёткса, лоткась тя тевса эрявиксшить паронь тиемать, инвентаризациять, инголи моли информационнай технологиятнень тевс нолдамаснон коряс покодемань опытть максомань эрявиксшинц лангс.
Артем Здунов арьсесь региону саф инжихненди цебярь мяльхть, мялень пети покодема, мяляфтови васседемат.
Территориятнень виияфтовомань международнай ассоциациянь председательсь Василь Мазитов шарфтсь мяль сянь лангс, што ассоциациясь пуроптсыне марс профильнай государственнай структуратнень, бизнесть, технологическяй компаниятнень, банкнень, инвестиционнай фондтнень. «Надиян, минь карматама покодема Мордовиять мархта марса нолдамок тевс технологиятнень, инвестициятнень сувафтовомаснон коряс, лездомс ся бизнести, конань ули мялец лисемс внешняй рынкав», – мярьгсь сон.
Таджикистан Республикань Правительствав сувайсь, модань управлениянь и геодезиянь коряс комитетть председателец Ходжазода Ориф Ашури азсь сюконяма валхт Республикань Оцюняти форуму тердеманкса. «Мордовиясь саты башка васта Россиять пространстваса, тинь регионцонт пяк лац ладяфт марс койхне-обуцятне и инновациятне. Таджикистантти Мордовиять мархта ялгаксшинь сотксне пяк эрявихть, – поладозе сон. – Тяфтама васедематне путыхть кеме юрхт марс тевтиевомать сотксса».
«Минь няйхтяма Мордовиять эса кемевикс партнёр и ули мяленьке марса покодемс тинь мархта эрь кодама направления коряс»,– мярьгсь Таджикистан Республикань Правительствать видеса архитектурань и строительствань коряс комитетонь председательсь Мирзозода Низом Юсуфи.
Кафта ширдень соткснень келептевомаснон колга азсть мяль ЮАР-ста, ОАЭ-ста и Турцияста саф представительхне.
Мордовия Республикань Оцюнясь азсь мяль сай кизоста сявомок келептемс форумть событийнай повестканц, сувафтомс эзонза аф аньцек профильнай илат, но и марстонь проект культурань ии спортонь сфераса.
Мордовия Республикань Оцюнять Пресс-службац