Мордовиянь Оцюнясь, РФ-нь Госсоветть «Семья» направлениять коряс комиссиянц председателец Артём Здунов азозень «Семейная столица России» Всероссийскяй конкурсонь 10 ошнень-финалисттнень. Тя ульсь 12 августста Мордовиянь Оцюнять виде эфиронц пингста, кона ётафневи тонатф койть коряс.
Артём Здунов китькстазе, што участиянь примаманкса эсь заявкаснон максозь Россиянь 60 ошсь. Экспертнай советсь тись оцю работа, конань вельде ошекс-финалистокс арасть Казанць, Нижняй Новгородсь, Новосибирскяйсь, Омскяйсь, Пензась, Рязанць, Саранскяйсь, Тулась, Ханты-Мансийскяйсь и Южно-Сахалинскяйсь. Маластонь пингть эрь ошу молихть экспертт инспекционнай сама мархта.
Конкурсонь ошненди-участникненди, конат ашесть сува финалисттнень лувксс, но няфтезь инь цебярь динамикать демографическяй инь васенце показательхнень коряс, ули кода арамс сяськикс конкурсонь тя номинациятнень эса: «Город будущих поколений», «Город для большой семьи», «Флагман многодетности», «Город счастливого родительства» и «Город семейной стабильности».
Артём Здунов азозе, што конкурсонь сяськись, кода и номинациятнень эса лидерхне, азовихть тяддень октябрьста.
Лятфтасаськ, «Семейная столица России» Всероссийскяй конкурссь ётафтови марса РФ-нь Минтрудть мархта РФ-нь Госсоветть «Семья» направлениять коряс комиссиянц инициативанц вельде, конань ширенц кирдезь странань Президентсь и Правительствась.
Мордовия Республикань Оцюнять Пресс-службац