Мордовиянь Оцюнять аф лама пингс тевонзон тиендисна Артём Здунов азсь ризнамань валхт казаньцкяй школаса зиянть пингста шавфнень радня и мала ломаньцнонды. Татарстан Республикань Президентть Рустам Миннихановонь лемс кучф телеграммать эса корхтави:
«Кельгома Рустам Нургалиевич!
Мордовиянь народсь мархтонт марса седиге ризнай Казань ошень школаса ломаттнень шавовоманкса. Тя минь марстонь стака сярятьфоньке, оцю юмафксоньке. Азонттама ризнамань валхт шавфнень радня и мала ломаньцнонды».