Республикань Оцюнясь азондозе, што 2026 кизоня топоди 150 киза содаф скульпторть и мокшэрзянь модать лангса шачить Степан Эрьзянь шачема шиста. Юбилейть праздованияц арай регионтть и сембе странать культурнай эряфса важнай событиякс. Республикаса уже кочкаф оргкомитет скульпторть юбилеенцты анокламать коряс, тиендеви мероприятиянь план. Запланировандаф «Всероссийский транзит «Санкт-Петербург – Москва – Мордовия» межмузейнай выставочнай проектсь, сатфт договоренностть Государственнай Русскяй музейть мархта Мордовияса Русскяй Шинь ётафтомать коряс, «IX Эрьзинские чтения» научно-практическяй конференциясь, ГРМ-ть собранияста С.Д. Эрьзянь работанзон Мордовияса няфтемасна и С.Д. Эрьзянь лемса музейса «Музейные маршруты» федеральнай проектть сессиянзон ётафтомасна.
Ольга Любимова кирдезе мероприятиянь сувафтомать, конат лемтьфт 150- скульпторть шачема шистонза 150-кизонц топодеманцты, мяляфнемань датань федеральнай повесткати.
Республикась мекольце колма кизотнень ушедсь эрязста аноклакшнема художественнай и документальнай фильмат. Тя покодемась вятеви РФ-нь Минкультть и культурнай инициативань Президентскяй фондть «Аллюр-фильм» и «Солар» кинокомпаниятнень мархта марс.
Уже лиссть «Степан Эрьзя. Долгий путь домой» документально-игровой фильмась, «Школа Бабы Яги» художественнай фильмась-ёфкссь и «Спасая маленькие жизни» короткометражнай документальнай фильмась, кона лемтьф Идень республиканскяй клиническяй больницять 60-кизонцты. Сай кизонь август ковста прокатс лиси аф сяськови адмиралть Федор Ушаковонь колга картинась.
Очередьса – «Выбираю тебя» пяшксеметражнай игровой фильмать анокламац, кона кармай лемтьф алякс и тятядкс улемати, традиционнай духовно-нравственнай питнишитнень кирдемаснонды, и васендакиге, кеме семьяти. Федеральнай ведомствань и региононь руководительхне корхтасть тя проектть кирдемань механизманзон колга.
Васедемаса корхтамась тяфта жа мольсь республикань основной гастрольно-концертнай площадкать – Мордовскяй государственнай филармониять педа пес петеманц колга. Ольга Любимова кирдезе тя инициативать, китькстамок, што покодематне кармайхть сувафтфт «Семья» од нацпроектти 2026 кизоти.
Тяфта жа корхтасть Ф.В. Сычковонь лемса Саранскяень художественнай училищать педа пес петеманц и «Развитие культуры» госпрограммань мероприятияса культурнай наследиянь ванфтомать коряс Мордовиять заявканзон участияснон колга.
Мордовиянь Оцюнясь тердезе Россиянь культурань Министрть Ольга Любимовань самс республикав Мордовскяй автономиять кочкама шистонза 95-кизонь топодеманцты илатнень праздованияс, конат ётайхть регионца 2025 кизоня январьста.
Мордовия Республикань Оцюнять пресс-службац