Башка мяль ульсь шарфтф школань строямать лангс. Тяфта, региононь руководительсь и замминистрась ванозь Саранскяень 510 вастс арьсеф 9-це школать од путома пингонц – РФ-нь Минпросвещениять кирдеманц вельде покодема ушедсть тя кизоть.
Тяфта жа корхтамась мольсь Саранскяйса строямс нинге фкя школа 790 вастс. Образовательнай учреждениясь арьсеви стяфтомс эрямань куттнень перьф. Тяниень пингс ниле школава, коса арьсеф од объектонь сторямась, омбоце сменаса тонафнихть 600 сяда лама шаба.
Тяда башка, ширетне корхтасть школатнень педа-пес петемаснон коряс программать нолдаманц колга. Аньцек тядде федеральнай финансированиять коряс Мордовияса одкстоптовихть кемонь зданият – ня вешфкснень пяшкодевома явф 900 млн сяда лама цалковай. Региононь Оцюнясь и министрань полафтысь тяфта жа шарфтсть мяль Мордовияса од мероприятиятнень тевс нолдамста мала пингть пяшкодевомаснон лангс.
Мордовия Республикань Оцюнять Пресс-службац