Китькстасаськ, што компаниять мархта марспокодемань колма кизоста заводсь няевиста касфтозень сембе эрявикс социально-экономическяй показательхнень. «Электровыпрямительсь» - республикань инь сире предприятиятнень эзда фкясь, сонь ули козя опытоц и цебярь наработканза. Сембе синь сувафневихть производственнай процезти ТМХ-ть мархта марспокодемать видеса. Тя лезды ётафтомс «Электровыпрямительть» финансовай пчкафтоманц и келептемс производственнай вийхнень.
Артём Здунов и Кирилл Липа корхтасть инвестпроекттнень коряс платтнень и результаттнень колга. Ётай кизоть инвестициянь объёмсь ульсь 430 млн цалковай и пяле миллиардта лама кармай сувафтф кизоть пес. 2023 кизоня выручкась ульсь 5,1 млрд, тя кизоть прогноснень коряс – касомась нинге миллиард цалковай лангс. Кафта кизоста зарплатась заводса кассь кафтонь кърда, кассь и сотрудниконь лувкссь. Предприятиясь эрязста сотрудничандай «РЖД»-ть и БелАЗом-ть мархта, ноляй 15 продукциянь од вид, тя кизоть кармай содаф нинге 20.
Мордовия Республикань Оцюнять пресс-службац