Региононь Оцюнясь китькстазе: аф простой ситуациясь, кона ладявсь тячи мирса, путни республикать инголе задачат инвестиционнай платтнень полафтомаснон коряс. Тя канневи гособоронзаказонь сферати, строительнай материалонь производствати, тяконь лувксса ся продукциять полафнеманкса, кона тяда инголе пачфневсь омба масторста, а стане жа странать продовольственнай безопасностенц обеспечендаманкса.
Артём Здунов макссь поручения региональнай правительствати нюрьхкяня пингста обеспечендамс предприятиятнень трудовой ресурсса педа-пес, а стане жа касфнемс трудть производительностенц.
Инвестициятнень объёмснон касфнеманц, региону од инвесторонь водендамать коряс кизефксть Мордовиянь Оцюнясь мярьгсь сявомс кеме контроль алу.
«Тейнек эряви нолямс ярмакт промышленностти, тя могут улемс федеральнай средстват и инвесторхнень средствасна. Инвестиционнай планць эряви пяшкотькшнемс — тя минь сай пингонь ВРП-ньке, тя минь налоговай базаньке», - мярьгсь сон.
Стане жа министерстватненди максф поручения межотраслевой кооперациять коряс.
Мордовия Республикань Оцюнять пресс-службац