Мордовиянь Оцюнясь Артём Здунов 15 августста примась участия ошти и республикати пяк эрявикс тевса: ремонтно-реставрационнай работатнень шумордамаснон мяльса кирдезь Иоанно-Богословскяй соборнай храмть одкстоптомань чинца. Торжественнай богослужениять вятезе Саранскяй и Мордовскяй митрополитсь Зиновий
Иоанно-Богословскяй соборсь - Мордовиянь инь сире церькавсь, конань ломаттне кельгозь лемнесазь Сире соборкс. Тядде топоди 333 киза ся пингста, кода Шкаень мялень ваны атяньке-бабаньке тисть ушектс тя иняру вастти. Ня кизотнень храмсь кирдсь лама: войнат, пожархт, эпохань полафткст, православнай верать лангс изгордомань пинге, но сон кирдсь и лядсь духовнай нежекс республикань эряйхненди. 1991 кизоста сявомок 2006 кизоти самс Иоанно-Богословскяй храмсь ульсь кафедральнай соборкс Саранскяй и Мордовскяй епархияса - ся пингс, мзярс ашезь святиндав святой праведнай воинть Феодор Ушаковонь лемса од кафедральнай соборсь.
«Тячи пяк оцю события сембонди тейнек, - китькстазе Мордовиянь Оцюнясь.–Сяс мес нинге аф кунара храмоньке–ошеньконь ожнац - ульсь юмамань-арамань пелькс ала. Кярьмодеме тевти сембе марса. Васенда якаме кельгома Владыкать Зиновиень мархта Святейшай Патриархти, получаме бславама, и тяда меле сембось тусь Шкайть мяленц коряс. Получаме Культурань министерствань финансирования, ушедоськ работать и эреклафтоськ семботь. Од ломаттненди мялезе азомс: тя аф одня, храмсь няеви стане, кодамкс няезь атянь-атяньке ичкоздень 17 векста. Храмсь ванфтовсь Рузонь Православнай Церькавть лангс панцемань кизотнень, ламотне тяса получасть духовнай шачема, тяконь лувксса и мон: шачень Казаньца, а ваймонь ширде шачень тя храмса. Лисенди, оцю вий эсонза. Эрьда ванфтсаськ сонь! Эрь эреклафтф храмсь - тя лятфнема сянь колга, што миньцонк нинге пяк лама работада, ламоть петема-тиема. Тя кода аванс православнай сембе ваймотненди. Поздравляндасайне сембонь тя событиять мархта, сюкпря сембонди, кие путсь тянди вийхть: кие озондсь, финансировандась, петнесь. Ила мархта тинь, православнай земляконе!»
Саранскяй и Мордовскяй митрополитсь Зиновий азозе: «Шкайсь фалу лезнесь и аралакшнезе Россиять. Сембода оцю пелькссь тяни–тя юмафтомс ся духовностеньконь и святостень нежеть, конатнень кандсаськ. Кельгома Артём Алексеевич, сембе православнай мокшэрзянь народть эзда спасибатама тейть народти, сонь веранцты кельгомацень инкса. Оцюдонга оцю спасиба астама Святейшай Патриархти, конань руководстванц и духовнай ширенц ала народсь тиенди храмхт, а православнай верась сувси од поколениятненди. И тя кись канды тейнек вий и сяськома!»
Иоанно-Богословскяй соборонь приходонь настоятельсь протоиерейсь Алексий Селезнев мярьгсь: «Тячи храмсь аськолдась эсь эряфонц од этапозонза. Азса кода приходскяй советонь настоятель: кода аньцек ашеме тяряфне ванфтомс тя дивандафты храмть, сембонди кельгови Сире соборть. Но мезевок ашезь лисенде снярс, мзярс реставрациянь процессти ашезь кярьмоде сонць Артём Алексеевич. Аф сембе содайхть Святейшай Патриархть мархта колма ширень судьбань тии васедемать колга, конань пингста эста нинге Мордовиянь Оцюнять аф лама пингс тевонзон тиендисна Артём Алексеевич и Владыкась Зиновий эняльдсть Святейшайти кирдемс Мордовиянь инь сире храмть ширенц. И аньцек эста ремонтно-реставрационнай работатне шаштсть вастстост. Тячи мялезе азомс седи ваксстонь спасибамань валхт кельгома Артём Алексеевиченди и высокопреосвященнейшай Владыкати Зиновиенди–синь тиезь семботь, штоба тя храмть няелезь иденьке и уноконьке. И тяни сон кармай ащема нинге лама сяда киза».
Мордовиянь Оцюнясь ванозе Иоанно-Богословскяй соборть историянц и ремонтно-реставрационнай работатнень ётафтомаснон колга фотовыставкать. Тяфта жа казьфтольхть благотворительхне и церковнослужительхне. Илань казнекс храму сашендыхненди арась Мордовия Республикань Государственнай камернай хорть выступленияц.
Иоанно-Богословскяй соборть видеса покоди воскреснай школа, ули од ломанень клуб, панчф катехизаторскяй лекторий, ётафневихть корхнемат сятненди, кит аноклайхть кстиндамань и венцямань таинстватненди.
Мордовиянь Оцюнясь Артём Здунов и Саранскяй и Мордовскяй митрополитсь Зиновий повсть Горелофнень семьяснонды кстингас и макссть казнет ёмла Александрати.
Мордовия Республикань Оцюнять Пресс-службац