«Мира» центрась кизонь перьф ётафни идтнень лемс образовательнай сменат. Республикань Оцюнясь ванозе мзярошка интерактивнай площадкатнень покодемаснон. Васенце лезксть максоманц коряс мастер-класст, научнай лекторий и практическяй низкоорбитальнай спутниконь покодемать коряс занятият, налхкомат и весела стартат – идтненди тяса фалу весяла.
Каланчакста инжихненди, конат ваймяйхть «Лесная сказка» санаторийса, «Мира» центраса тожа пяк тусь мялезост. Республикань Оцюнять мархта корхтамста синь азондсть эсь мяльснон-арьсемаснон колга Мордовиять эзда.
«Пингсь ётась вишкста, минь лама коса улема, лама мезе няеме. Пяк интересна ульсь Саранскяй электромеханическяй колледжса – минь содаськ, кода ноляйхть кабельнай паршихть. Сюкпря Мордовияста шефненди тя ваймамать и Каланчакскяй районти лездомать инкса», - мярьгсь сисемце классонь тонафнись Марина Типтева.
Республикань Оцюнясь китькстазе: кизонь каникулатне – тя фалу возможность получамс од маштомашит, мумс од ялгат.
«Сашендода ширнек нинге, васьфтядязь пара мяльса!» - мярьгсь Артём Здунов.
Республикань руководительсь сась идтненди аф шава кядьса: Каланчаконь идтне получасть мороженайхть и Мордовиять колга мяляфнеманди казнет.
Мордовия Республикань Оцюнять пресс-службац