Анастасия Гришнева азондозе, што 13 июньста сявомок 17 июньтти молемс Владивостокса ётась исполнительнай властень органонь руководительхнень ёткса Сембероссиянь семинар-совещания, конат покодихть государственнай од ломанень политикать эряфс этафтоманц лангса. Совещанияса ульсть азфт 2023 кизонь мониторингонь итокне, сонь итогонзон коряс Мордовия Республикась тага сувась ТОП-5 рейтингти 200 тежянь ломаньда кръжа од ломанень лувксть мархта группаса. Показательхне, конат лувовсть рейтингть тиемста, тя инфраструктурань, добровольчествань, патриотическяй касфтомань виензамась, касы поколениять мархта покодемась. Тя республиканскяй командать цебярь покодеманц результатоц.
Совещанияса корхтавсь «Молодежь и дети» од национальнай проектть пяшкодеманц колга, конац ушедсы эсь покодеманц 2025 кизоня. Тя нацпроектти операторкс сашендови «Росмолодежьсь».
Васедемаса корхтасть республикать участиянц колга Движение Первых федеральнай проектса. Республикась эрязста покоди тя направлениять коряс. «Ноябрьть песта Саранскяйса ётай сембероссиянь чемпионатть финалоц васенце лезксонь максомать коряс. Тяни странань сембе субъекттнень эса ушеды региональнай отборсь. Минь тожа аноклатама команда», - мярьгсь Анастасия Гришнева.
Мордовиянь Оцюнясь китькстазе тя покодемать эрявиксшинц. «Минь должны тонафтомс сяда лама ломань макссемс васенце медицинскяй лезкс. Минь покодттяма тянь лангса, ширезнок сашендыхть Россиянь Минздравонь специалистт. Эрьда тонафтсайнек школатнень, СПО-нь учреждениятнень, ВУЗ-нень», - мярьгсь Артем Здунов.
Кода китькстазе Анастасия Гришнева, тиемс тя лиси сюконямок тонафтф региональнай инструкторхненди, региононь тонафнихнень мяльснонды примсемс участия проектть эса и Движения Первых федеральнай аппаратть кирдеманцты.
Мордовия Республикань Оцюнять пресс-службац