Илять од ломаттненди шаштсь Мордовиянь Оцюнясь. Артём Здунов ванозе сембе площадкатнень покодемаснон, корхнесь од ломаттнень мархта, а меле прявкс фестивальть сценаста поздравляндазень ошэряйхнень и инжихнень ила мархта.
Республикань руководительсь китькстазе: од ломаттнень мархта покодемась- регионтть виензамань приоритетонзон эзда фкясь. Мордовияса пцтай 190 тежянь од ломань, лама од ломанень пуромкст. Республикаса вии волонтерскяй, поисковай, кадетскяй и юнармейскяй движения. Эрязста виензакшни покоди од ломанень движениясь и од ломанень туризмась.
Омбоце кизось подряд республикась сувси ТОП-5 странань региоттнень ёткс од ломанень политикань эффективность коряс. Артем Здунов азондозе: Мордовиясь тага сяськсь Росмолодежень оцю пялькстома.
«Минь карматама сяда тов одкстопфнема од ломанень Кудть эса, ётафнема фестивальхть. Мекольце колма кизотнень Президентонеконь кирдеманц мархта минь нилень кърда касфтоськ финансированиять. Минь од ломаннеке – инь цебярьхне! Минь кельгтяма и кирнетяма фкя фкянь эса, ваттама и надиятама геройнеконь лангс - специальнай военнай операциянь участникнень. Сюкпря, што минь марсотама!» - мярьгсь Мордовиянь руководительсь.
Артём Здунов казезень инь эряз од ломанень представительхнень и синь наставникснон, синь ётксост СВО-нь ветераттнень, республикань од ломанень движениять касомазонза-вииямазонза путфксонкса.
Мордовия Республикань Оцюнять пресс-службац