Мордовиянь Оцюнять аф лама пингс тевонзон тиендисна Артём Здунов 26 февральста етафтсь рабочай васедема Верхне-Волжскяй бассейновай воднай управлениять вятиенц Александр Бариновонь и Приволжскяй федеральнай округть эзга вирень хозяйствань Департаментть начальниконц Александр Орнатскяень мархта. Корхтамась мольфтевсь «Экология» национальнай проектть эряфс етафтоманц колга, тяконь лувксса республикать территорияса ведень объекттнень и вирень ресурснень ванфнемаснон коряс.
Тядде «Сохранение уникальных водных объектов» федеральнай проектть мяльса кирдезь арьсекшневи аруяфтомс Ковылкинскяй и Краснослободскяй муниципальнай райоттнень эса Мокша ляйть шудема вастонц 17 вайгяльбень кувалмоса.
Стане жа корхтафоль вирень пожархнень профилактикаснон квалма. Етай кизонь пожарса пелькс сезонть эздост республикаса ульсь кафта – 4,3 гектаронь площадьса. Тяниень пингть «Лесной дозор» программнай обеспечения мархта видеонаблюдениянь камераса фатяф 430 тежянь гектарсь или республикань вирень фондть 63 процентоц. 2020 кизоня «Сохранение лесов» федеральнай проектть мяльса кирдезь Мордовияв поступась 47 единица лесопожарнай техника и оборудования.
Васедемать пингста ванфтольхть кизефксне, конат сотфт «Сохраним лес!» Всероссийскяй акцияса республикать участвондаманц мархта. Акциясь етафтови апрель ковста.
Мордовия Республикань Оцюнять пресс-службац