Артём Здунов мольфтсь корхтама Россиянь велосипеднай спортонь Федерациять президентонц Вячеслав Екимовонь мархта республикаса велоспортть виияфнеманц колга

Артём Здунов мольфтсь корхтама Россиянь велосипеднай спортонь Федерациять президентонц Вячеслав Екимовонь мархта республикаса велоспортть виияфнеманц колга

Мордовиянь Оцюнять аф лама пингс тевонзон тиендисна Артём Здунов 25 февральста етафтсь рабочай васедема Россиянь велосипеднай спортонь Федерациять президентонц Вячеслав Екимовонь мархта. Корхтамась мольфтевсь Мордовияса велоспортть виияфнеманц колга.

Тя ширети республикаса шарфневи оцю мяль. ВМХ-велоспортть коряс Саранскяень центрась – эсь лацонь спортивнай сооружения. 2012 кизоть самс сон ульсь вельхкс ала мирса фкя и тяка велодромкс и арась площадкакс всероссийскяй и международнай пялькстомань етафтоманкса. Саранскяень ВМХ-центрась – Россиянь сборнай командать пуромома вастоц. Азфоль, што Мордовиянь велогонщикне правас коре лувондовихть инь виикс Россияса и синь эздост ащи ВМХ-велоспортть коряс странань сборнайть 40 процентоц.

Вячеслав Екимов азозе Артём Здуновонди, што ня шитнень Мордовиять столицаса етайхть ВМХ-велоспортть коряс Россиянь Кубкать пялькстоманза. Стане жа тядденди арьсефт етафтомс фристайл ПАРК ВМХ-ть коряс Всероссийскяй пялькстоматне и «Saransk Indoor» международнай турнирхне.

Велоспортонь федерациять президентоц спасибась региононь вятити велогонщикнень ширеснон кирнеманкса. Васедемаса ванфтольхть кизефксне, конат сотфт ВМХ-центрать спортивнай инфраструктуранц виияфнеманц мархта, тяконь лувксса корхтафоль сай кизоть Саранскяйса Суперкросс панжада ВМХ тректь строяманц колга, коса кармайхть етафневома Миронь и Европань кубкань уровенень пялькстомат. Мордовиянь Оцюнять аф лама пингс тевонзон тиендисна азозе, што объектсь ули строяф «Спорт – норма жизни» нацпроектть мяльса кирдезь. «Карматама аноклама од велотрекса Парижса 2024 кизонь Олимпийскяй налхкоматненди!» - поладозе Артём Здунов.

Мордовия Республикань Оцюнять пресс-службац