Артём Здунов — Мордовияста тертьф боецнень обеспечендамаснон колга: «Пуропнесаськ эрявиксонь спискать, пачфтьсаськ грузть маластонь пингть»

Артём Здунов — Мордовияста тертьф боецнень обеспечендамаснон колга: «Пуропнесаськ эрявиксонь спискать, пачфтьсаськ грузть маластонь пингть»

Мордовиянь Оцюнясь Артём Здунов азондсь Мордовияста тертьф военнослужащайхненди эрявикс паршиень мархта грузть пачфтеманц коряс платтнень колга.

«Маластонь пингть минь мольхтяма цёраньконь шири, конат тя шитнень пцтай эрь шиня прважсевихть боевой слаживаниянь васттненди. Недялять ушетксста мархтост ащи минь сотрудниконьке, сон корхни боецнень мархта и — сембода главнайсь — ванондсы, мезе теест эрявксты передовойса. Тя лямбе щапт, инь эрявикс паршихть, медикоментт. Минь содатама сянь колга мезе теест эряви. Тяконь лувксса раматама сембонди кнопочнай телефотт, кивок аф ляды радня ломанензон мархта сотксфтома. Сембе грузть арьсекшнетяма пуроптомс тя недялять, пачфтьсаськ сай недялять ушетксста и семботь колга азонттама родной и мала ломаньцнонды, што сембось синь лац. Тяниень пингть доброволецне ушеткшнихть кочксема посылкат цёраньконди, штоба кивок афоль ляда ширеса. Сяс минь пуропнетяма кочкамань пунктт эрь районца, штоба кажнайти улель кода прважамс посылка сембе эрявиксть мархта боецненди», - мярьгсь Артём Здунов.

Мордовия Республикань Оцюнять пресс-службац