Заседаниять панжемста Следственнай управлениять руководителец Олег Коробов азозе, што мзярошка кизоньберьф республикать территорияса ораткшневихть сембе шавондоматне, наругаматне иломанть шумбрашинцты инголенди арьсеф зиянонь тиематне. 2022 кизоня республикать эзга следственнай управлениясь занязе 5 вастть Российскяй Федерациянь региоттнень ёткса, конат сувсихть ПФО-ти. Следственнай комитетсь занци башка оцю васта коррупциять и налоговай преступлениятнень каршес тюремаса. Меля следственнай управлениянь сотрудникнень мархта тяфтама уголовнай тефнень коряс мрдафтф 500 миллионда лама цалковаень лувксса карьхцсь. Мордовиянь Оцюнясь азозе, што республикань Правительствась народно-хозяйственнай деятельностенц пингста пингта пингс васьфни экономическяй направленностень преступлениятнень кальдяв последствияснон мархта. Тяфтама преступлениятне аф шуроста арсихть перяфксокс правительствань тяниень составть инголе.
«Кепотьксонди, мзярда банкти залогс макссевихть социальнай учреждениятне, а тейнек эряви инвестировандамс эзонза федеральнай средстват. Тяфтама преступлениятнень ораткшнемаснон коряс работась пяк важнай, карматама сонь полаткшнемонза марса следственнай оргаттнень мархта», - мярьгсь Артём Здунов.
Мордовиянь Оцюнясь шарфтсь мяль республикаса, кода и марнек странаса, киберпреступлениятнень лувксснон касоманц лангс. «Мекольдень кизотнень тя ширесь арась инь прябалавукс. Атакат мольфтихть аф ялгафни странатне, стане жа виензасть мошенникне, конатнень мяльсна эцемс ломаненьконь зепозост», - мярьгсь Мордовиянь Оцюнясь. Мордовскяй госуниверситетонь специалисттненди максови поручения анокламс профилактическяй продуктат тяфтама преступлениятнень инголяманкса, сявондемок мяльс следственнай оргаттнень передовой практикаснон.
Артём Здунов спасибась следственнай управлениянь сотрудникненди оперативнай работанкса.
«Мархтонт марса минь ушедоме решандакшнемост заработнай платать коряс шумонь кизефкснень».
Стане жа тядденди фкя инь васенце задачатнень лувксса Мордовиянь Оцюнясь азозе уроз иттнень эряма вастса обеспечендамаснон. «Ужяленди, «наследстванди» тейнек сатовсь эряма вастонди очередсь, кона пуроптовсь тяда ингольдень кизотнень, 1,5 тёжянь уроз идти минь обязаттама максомс эряма вастт!» - китькстазе Артём Здунов.
Стане жа сон кошардсь пуроптомс вийхнень шабатнень безопансостьснон обеспечендаманкса. «Тейнек марса эряви виияфтомс преступнай посягательстватнень эзда аф совершеннолетняйхнень араламанкса».
Мордовиянь Оцюнясь спасибась руководствати и сотрудникненди марстонь тевонь вятеманкса, сявондемок мяльс, што меля савсь решандамс од задачат — обеспечендакшнемс частичнай мобилизациять ётафтоманц законностенц, латцемс военнослужащайхненди и синь семьяснонды ширень кирдемань од мерат, касфнемс антитеррористическяй аралафшить уровененц.
«Кеман, што сяда товга минь марса карматама пяшкотькшнемост задачатнень, конатнень путозень Россиянь Президентсь В.В.Путин, кирнемонза республикать территорияса порядкать и безопасностть», - мярьгсь Артём Здунов.
Мордовия Республикань Оцюнять пресс-службац