Республикань Оцюнясь китькстазе, што минь од ломаннеконди фалу ульсь и кармай макссевома оцю ванф лангонь вийхнень эзда – важна аф нолдамс омба масторонь идеологиять.
«Минь тяряфнетяма максомс образования, тяряфнетяма лац касфтомс од ломаттнень, но аф кармата юкснема, што минь од ломаннеконь лангс улихть мяльсна и минь аф ялганьконь. Марстонь задачась – путомс заслон ня аф пара платтненди», - мярьгсь Артём Здунов.
Тя ширеть эса республикаса покодемась мольфтеви системнайста. Мекольце кафта кизотнень тяшкстафт соглашеният основной министерстватнень ёткса марс покодемать коряс, ведомстватнень, университеттнень и Рузонь православнай церкавть. Тяда башка, тиф эрявикс нормативнай базась, регионса работай духовнай семинария. Фалу ётафневихть од ломаттнень лемс мероприятият – тяфтапт кода, «Гардемарины» сембероссиянь нахимовецонь и кадетонь театральнай фестивальсь, «Время героев» премиясь и лиятне.
Эсь участиянц инкса просветительскяй тевса и полноценнай работань вятеманкса тя направлениять эса регионтть руководителец сюконясь владыка Зиновиенди.
Лятфтасаськ, што тя кизонь майста Президентть указонц мархта кемокстафт Россиянь государственнай политикань основатне историческяй просвещениянь областьса. Именна тя документть эса тяштьф, кода государствась кармай покодема гражданинонь воспитаниять и историческяй просвещениять лагса.
Ульсь китькстаф, што российскяй обществань норматне, конат появакшнесть веконь перьф, тя лама идь мархта семьятне и сувереннай, вии Россиясь. Именна тянь колга эряви корхнемс, аралакшнемс и ванфнемс ня питнишитнень обществаса. Башка ванф Артём Здунов макссь од ломанень патриотическяй касфтомати и обществань пуроптомати эсь кепотьксонь пачк. Оцю значения тя покодемать эса занци касы поколениять и СВО-нь участникнень ёткса взаимодействиясь. Тяфтама подходсь лезды историческяй видешинь ванфтомс.
«Ламось республикаса тиендеви, но эряви системность.Тяфтама семинархне пяк эрявихть идеологическяй и методологиянь ширде. Инь цебярь опытсь эряви макссемс минь шабраньконди, минь ялганьконди од регионса. Сянкса мон оцю оптимизма мархта ванан тянь лангс, што тяфтама мероприятиятне минь ширьнек эряфневихть регулярна», - мярьгсь Артём Здунов.
Кирилло-Мефодиевскяй лувомань участникнень шумбракстозень Саранскяй и Мордовскяй митрополитсь Зиновий. Сон китькстазе, што Россиянь президентсь духовно-нравственнай питнишинь основатнень колга указонц мархта путозень государственнай политикань основатнень.
«Ломанць, конац юмафтозе духовностенц, юмафнесыне целензон, конат сотфт служениять, жертвенностть и кельгомать мархта. А именна тят основатнень лангса кармай строявама цебярь семьясь. Минь задачаньке –тиемс одукс койхнень, конат фалу ульсть характернайхть Россияти. И къда шашнемс системна, сяльде духовностсь арай ломанень личностть касфтомань процессонза основакс», - китькстазе владыкась.
Пленарнай заседаниять пингста участникнень инголе выступандать М. В. лемса МГУ-нь профессорсь Сергей Перевезенцев, Курскяй государственнай университетонь профессорсь Владимир Меньшиков, Огаревонь лемса МГУ-нь ИСИ-ть директороц Николай Арсентьев и Н.П. Огаревонь лемса МГУ-нь философиянь кафедрань профессорсь Михаил Елдин.
Лувоматтнень программаса тяфта жа путфт планц секциятнень покодемасна и эрь кодама направления коряс диалоговай площадкат: «Духовно-нравственное образование в России: проблемы и перспективы», «Теологическое образование в современном университете», «Духовно-нравственные ценности как ключ к пониманию современных педагогических проблем» и «Современные практики духовно-нравственного воспитания: преемственность традиций и векторы развития».
Мордовия Республикань Оцюнять пресс-службац