Кода азозе Президентсь, даже стака пингста удалась лама тиемс экономикань и социальнай сфератнень виияфтомаса, Россиянь семьятнень эрямаса условиятнень цебярьгофтомаснон. Нацпроекттне, кода азозе государствань вятись, ащихть Россиять вандыень шинц кемокстамаса, пуроптомок марс властень эрь кодама вийхнень, предпринимательствать, наукать и общественностть. 2025-це кизоста ушодозе кинц национальнай проекттнень од циклась, конат арафтф мастороньконь сяда тов инголи молеманц.
Оцю мяль ульсь явф «Семья» национальнай проектть лангс и ванфтольхть Россияса демографиянь тефне. РФ-нь Правительствань Председателень Полафтысь Татьяна Голикова лоткась сянь лангс, што эряйхнень ванфтомашиснон коряс кизефкссь пяк таколфты сембе масторть коряс, федеральнай пяльксса аноклаф арьсемань оцю комплекс лезксонь максомань коряс од семьятненди, лама шаба мархта семьятненди, оцю тевсь – эряйхнень шумбрашинь ванфтомасна. Вице-премьерть мяленц коряс, оцю покодема эряви ётафтомс тя кизефксть коряс субъектова.
«Нинге весть ёран пшкядемс губернаторхненди, – мярьгсь Татьяна Голикова. – Тя пяк эрявикс кизефкссь. Пяк эняльдян теенть, сувафтость сонь тинь оперативнай пуромксонь повестказонтт. Мезе моли минь шачеманьконь мархта, мезе минь моли куломать мархта. И мезе моли тянь коряс марнек регионца, кода ладяф покодемась тя кизефксть коряс».
Владимир Путин региоттнень ёткста, конат эрязста мольфтсазь тевть демографиять цебярьгофтоманц, семьятненди лезксонь максомать. сатсть аф кальдяв вешфкст и азозе минь республиканьконь.
«Ня региоттнень ёткста фкясь – тя Мордовиясь», – мярьгсь Россиянь Президентсь и макссь вал Артём Алексеевич Здуновонди азондомс, кода тя тевсь ладяф республикаса.
«Шумбраши, кельговикс Владимир Владимирович, – пшкядсь Президентти Мордовия Республикань Оцюнясь. – Тинь мяль-валонтентень коряс мон тяни вятьсайне Госсоветонь «Семья» направлениять коряс комиссиянь тефнень. Тяфта жа арьсян, тя сембода оцю и эрявикс кизефкссь. Минь ушедоме сянь эзда: што лама шабань семьятненди и сятненди, кинь мялец шабань шачфтома, марнек обществать, эрь ломанть мялец полафтома цебярь арьсемас. Минь няйсаськ, кода 9-це майста обществась канды мяль Великай Отечественнай войнань ветераттненди ульцяса, кодама мяль явови СВО-нь ветераттненди. Тяфта жа эряви кирдемс мяль шаба мархта семьятненди».
Республикань Оцюнясь пачфтсь, Госсоветонь комиссиясь ушедозе тевонц народонь и религиянь койхнень-обуцятнень мяльса кирдезь эрь регионга и целевой группава лезксонь тефнень максомаснон коряс анокламась.
Тяфта жа Артём Здунов шарфтсь мяль кунара аноклаф лезксонь максома тефнень эрявиксшиснон лангс. «Тядянь капиталть максоманцты минь арьсетяма башка мяль-арьсема комиссиять ширде: кода сон сяда лац нолдама эряфс, штоба максомс ярмакнень сятненди, кие анок касфтомс тя няфтематнень. Корхтамась мольфтеви, васендакиге, лама идень семьятнень колга, коса учеви колмоце и нилеце шабать шачемац», - мярьгсь сон.
Видеоконференцсвязть шумордавоманц ланга государствань вятись мярьгсь, што тя сфераса вешфкснень сатомаса эряви инфраструктурась одкстоптомс и ошса, и велеса, вятемс перьфпяльть мазолгофтоманц.
Мордовия Республикань Оцюнять Пресс-службац