Панжемань торжественнай церемонияса примась участия Мордовиянь Оцюнясь Артём Здунов. Сон азсь мяль тиемс тяфтама мероприятиятне фалу ётникс, тернемс эзост сяда лама од ломань.
«Эряфсь моли, и минь должны марса тиендемс минь обществанеконь. Спортсь тя сят направлениятнень эзда фкясь, коса тейнек ули кода прянеконь няфтемс. Тя илась должен улемс аф аньцек минь кельгома ветераннеконди и синь семьяснонды, но и сембе народти. Минь должны тиендемс теентть тяфтама атмосфера, штоба тинь марялесть прянттень стяне, што минь фкя оцю семьятама – спортса, покодема вастса, мзярда получсетяда медицинскяй лезкс, мзярда тинь идентте тонафнихть школаса. Тяни пингсь героень! Оцю сюкпря тинь участиянттень и героизманттень инкса!» - шумбракстозень участникнень регионтть руководителец. Боецнень мялямснон, конат максозь эсь эряфснон Родинать инкса, мяляфтозь кашт аф моли минутаса.
Мордовия Республикать коряс Прявкс федеральнай инспекторсь Анатолий Гулин китькстазе од поколениять касфтомаса патриотизмань духть эрявиксшинц:
«Теень улель ба пяк пара мялезон, къда тинь саледе од поколенияти - школав, од ломанень коллектифс, и покоделеде мархтост патриотическяй воспитаниять коряс».
«Защитники Отечества» Фондть социальнай координатороц, СВО-нь ветеранц Иван Волков сюконясь республикань руководствати оцю интерезонкса и спецоперациянь ветераттненди кирдеманкса. «Эрь боецти инь цебярь реабилитациясь – спортсь. Цебярь пялькстомат, цебярь общения, весялаши!» - пшкядсь сон участникненди.
Спартакиадань ётафты организацикс арасть «Защитники Отечества» региональнай фондсь и МР-нь Минспортсь. Соревнованиятне ётнихть вете спортонь видтнень коряс – тя пневматическяй винтовкаста ляцема, армрестлинг, пауэрлифтинг, пеелень спортивнай метания и уема. Прявкс цельсь – сувафтомс СВО-нь ветераттнень эряз спортонь занятненди, кемокстамс синь шумбрашиснон и кеподемс синь физическяй подготовкаснон уровененц. «Эрьти сятнень эзда, конат аралакшнезь минь странанеконь границанзон и интерезонзон ульсь кода примамс участия тя мероприятиять эса. Спортсь марстопни - и тя спартакиадась тянди няфтема», - китькстазе «Защитники Отечества» фондть филиалонц руководителец Алексей Герасименко.
Панжемань церемонияда меле Артём Здунов корхнесь СВО-нь ветераттнень мархта и ванць мзярошка спортонь видднень коряс пялькстомать мельге - армрестлингть, пеелень ляцендемать и пневматическяй винтовкаста ляцемать.
Тяфта жа республикань Оцюнясь ванозе идень бассейнать, конац тиф аськоляй функциянь нарушения и нервнай заболевания марха идень аквареабилитацияди «Сила добра» социальнай проектонь и программань кирдемань Фондть мархта президентскяй грантонь Фондтть грантовай кирдеманц видеса. Тяниень пингть ОВЗ мархта идтненди макссихть услугат 14 реабилитациянь направления коряс. Тячиень шити «Сила добра» Фондсь – республикань адаптивнай физическяй культурать коряс вяти организациятнень эзда фкясь.
Тяфта жа Артём Здунов оцю мяль вельде ванозе музейнай экспозициять, конац кочкаф «Мордовия» спорткомплексса. Сон лемтьф специальнай военнай операцияти и сонь героензонды.
Мордовия Республикань Оцюнять пресс-службац