Экспозициять, конац няфтьф Н.П. Огаревонь лемса МГУ-ть музейса ванозе , Мордовиянь Оцюнясь Артём Здунов. Выставкаса ульсть няфтьфт вузть приоритетнай ширензон коряс передовой разработкатне. Синь ётксост -тоникась, од материалхне и энергосбережениясь, «ёню» велень хозяйствась.
Университетть ректороц Дмитрий Глушко азондсь: вузть научнай лабораторияса ётафневи лама исследования, конат ориентированнайхть республикань предприятиятнень лангс. Синь ётксост - «Оптиковолоконные системы» заводсь, «Оптикэнерго» компаниянь пуромкссь, «Электровыпрямитель», «Рузхиммаш». Ладяф сотрудничествась и федеральнай партнерхнень мархтовок - тя «РЖД», «Росатом» и ламотне лиятне.
Биотехнологиянь и биологиянь факультетть разработканзон эзда фкясь – эсь лацонь трубчатай структурат бактериальнай целлюлозань основа лангса, конат лездыхть тиемс искусственнай кровеноснай сосудат. Тят разработкатне, кода азондозь регионтть руководителенцты, салазь мяленц А.В. Вишневскяень лемса Национальнай медицинскяй исследовательскяй хирургиянь центрать.
Механикань и энергетикань институтсь покоди технологиятнень лангса покрытиянь архтомать коряс ладяф технологическяй свойстваса – тя эряви сельскохозяйственнай техникань петемать лемс, од двигателень и механизмань кочкамста. Волоконнай оптикань инжиниринговай центрать мархта университетть исследователенза покодихть специальнай оптическяй волоконань тиемань технологиятнень лангса.
Пяк перспективнай ширесь - композиционнай материалхне вторичнай ресурснень основаснон лангса. Композиционнай материалхне пяк эрявихть строительнай и мебельнай промышленностьса.
Медицинскяй институтсь медицинань и биотехнологиянь касомань-вииямань Федеральнай центрать мархта, кона панчф Саранскяйса, мольфти покодема од лекарственнай препараттнень лангса.
Выставкаса ульсть няфтьфт социально-гуманитарнай направлениянь ученайхнень научнай трудсна, а тяфта жа народнай художественнай творчествань кепотьксне (мокшэрзянь щапне, керамикась, серматфсь, конат тифт национальнай культурань Институтть машты кядь ломанензон мархта).
Мордовия Республикань Оцюнять пресс-службац