Птицеводствась - «Октябрьская» агрофирмать экономиканц вяти отрасляц - эрь кизоня предприятиясь ноляй 100 тежянтть малава тонна нармонь.
Од площадкать виец, конац мусь васта Лямбирскяй райоца Пензятка велеть эзда аф ичкозе, кармай 14 тежянь тонна нармонь кизоти.
Агрофирмать руководителец Александр Андин няфтезень республикань Оцюняти производствань сембе технологическяй ширетнень. Од площадкаса ащи автоматизациянь и санитарнай сетьмешинь оцю уровень, сон покоди «пусто-занято» форматса, мзярда нармонень касфтомань эрь партияда меле производственнай корпусне шамихть, ётафтови обработка, и аньцек тяда меле тоза нолдави лефксонь од партиясь. Тяфтама системась лезды кирдемс предприятияса биосетьмеши, ёмлалгафтомс ярмаконь ётафтомать поголовьять ванфтоманц лангс.
Агрофирмать кочкаец Иван Андин китькстазе, што производствась тиф тяниень пингонь экологическяй стандарттнень коряс, сембе лядыксне стане, кода эряви путневихть вастс и ётнихть обработка – тиендеви сембось, штоба маластонь эряйхненди аф кандомс пичефтемат.
Од площадкаса тиф 28 высокопроизводительнай и лац пандови покодема васта - заработнай платась тяса 100 тежянь цалковайть малава.
А марнек агрофирмаса подихть кафта тёжяньда лама ломань, тя регионса инь оцю предприятиятнень эзда фкясь. Птицеводствада башка, агрофирмась касфты кудонь жуватат, вирень жуватат, касыкст, покоди животноводческяй продукциять одукс тевс нолдаманц и жуватанди ярхцамбялень нолдамать лангса.
«Октябрьская» агрофирмать лац содасазь и лия региоттнень эсовок – аньцек 14 % ноляви продукциять эзда повонды республикань прилавкатненди, остальнайсь тушенды лиява.
Инвестициятне од площадкати аравсть 1 млрд цалковайда лама - и тя предприятиять эсь средстванза.
Артем Здунов корхтась агрофирмать руководстванц мархта производственнай планснон колга, а тяфта жа васьфтьсь и корхтась предприятиянь покодихнень мархта.
Мордовия Республикань Оцюнять пресс-службац