Лятфтасаськ, што регионть и АСИ-ть ёткса 2022-це кизоста сявомок мольфтеви фкя мяльс саф арьсема марса покодемань коряс. Марстонь тевсь мольфтеви ламоц направлениява. Артём Здунов азсь пара мяль-валхт Светлана Чупшевати сембе ширде лезксонь максоманкса. «Сюкпря теенть республикати мялень шарфтоманкса, - мярьгсь Мордовия Республикань Оцюнясь. – Минь покоттяма АСИ-ть мархта ушедомок Национальнай рейтингть коряс инвестиционнай климатть и эряфть содаманц коряс рейтингть вятемаса».
Национальнай рейтингть кочкафса инвестиционнай климатть коряс Мордовиясь заняй инголи моли позициятнень аф фкя лацонь няфтевоматнень коряс. 2024-це кизоня республикась сувась ТОП-5 региоттнень ёткс и сатсь «Лидер роста» казня. Артём Здунов шарфтсь мяль, што регионць кемоста покоди эряфть качестванц полафтовоманц эса. Регионть оцюаза пяльксоц няфтьсыне показательхнень, конат кандовихть зеленай зонав. Башка мяль шарфтови прябалада пяшксе точкатнень лангс. Синь лувкссост – эряйхнень мялень петемасна ведть качестванц коряс. «Тя кизоть минь келепттяма пяк кели программа, карматама предметна ваномонза тя кизефксть», - мярьгсь Мордовия Республикань Оцюнясь.
Республикаса инь цебярь проектокс лувовихть Артём Здуновонь арьсеманц коряс - брендонь аноклама республиканскяй конкурссь, промышленнай туризмать виияфтоманц коряс проектсь, «Сильные идеи для нового времени» форумса участиясь.
Кода шарфтсь мяль АСИ-ть генеральнай директороц форумть крауд-платформазонза сась 32 тёжянь заявка марнек масторстонк, а 1700 заявкась - Мордовияста. «Минь лад мялезонк, што республикань эряйхне эрязста примайхть участия тя проектса и муйхть эсонза лезксонь максома», - мярьгсь сон.
Светлана Чупшева макссь оцю питне республикать тевонцты, кона примай участия АСИ-ть лия программаса и азсь пара арьсемат Мордовия Республикань Оцюняти од назначения мархта. Артём Здунов путф должностьс Госсоветонь комиссияти «Семья» направленияти председателькс. «Арьсян, што тя ключевой комиссиятнень ёткста фкя инь оцюсь. Кизефксне, конат сотфт демографиять мархта, народонь ванфтомать мархта, семьять кирдевоманц мархта, тячи лувовихть инь эрявиксокс. Лад мялезонк, што карматама марса сотома покодема тевоньконь мастороньконь руководстванцты вешфксонь примамать коряс», - мярьгсь АСИ-ть руководителец.
Мордовия Республикань Оцюнять Пресс-службац