14 августста ётафтовсь Мордовия Республикань Оцюнять Артём Здуновонь Российскяй Федерацияса ломанень праватнень коряс Уполномоченнайть Яна Лантратовать мархта, кона регионца рабочай поездка мархта, рабочай васедемац. Корхтаманди башка темакс арасть СВО-нь участникненди и синь семьяснонды лезкссь.
Артём Здунов китькстазе: «Ломанть праванзон и воляшинзон араламаснон мархта сотф направлениять коряс Мордовияса покодемась ладяф. Главнайсь тяни - интереснень араламасна и семботь, мезсь сотф специальнай военнай операциянь участникнень мархта. Мордовияса тя категориясь ащи башка контроль ала, арасть коеннекс республикань райоттнень эса СВО-нь участниконь шитне. Тя тушенды алятнень и цёратнень мяльс. Сяда тов кемокстасаськ федеральнай Уполномоченнайть мархта марстонь покодемать, кирдьсаськ региональнай правозащитнай институтть работанц и марса вешенттяма кизефкснень решандамаснон, конатнень мархта тейнек пшкятькшнихть ломаттне».
Мордовиянь Оцюнясь спасибась Яна Лантратовати республикати мялень шарфтоманкса, Госсоветть «Семья» направлениять коряс комиссиянц видеса марстонь покодеманкса, коса сон вятьсы идень безопасностть обеспечендаманц, идень и од ломанень средаса деструктивнай идеологиятнень каршес ащеманкса рабочай группать.
Российскяй Федерацияса ломанень праватнень коряс Уполномоченнайсь азозе, што Мордовиять мархта сонь башка сотксоц: «Мзярда пуропнине «Союз добровольцев России» од ломанень всероссийскяй общественнай организациять, васенце активисттне ульсть Мордовия Республикаста. Лама пинге марса виияфнеськ странаса добровольческяй движениять. Мзярда 2014 кизоня ушедсть боевой действиятне Донбассть территорияса, и волонтёрхнень мархта усксеськ шабатнень и семьятнень боевой действиянь зонаста, васенце автобуснень примазень Мордовиясь. Эста ни шарьхкодине, што республикасонт пяк вии гражданскяй обществась и од ломанень движениясь».
Корхтамать пингста азфоль, што меля Мордовияста федеральнай Уполномоченнайти сась 703 пшкядема. Тядде сась ни 552 пшкядема—34 процентта сяда лама 2025 кизонь тяка пингть коряс. Основной касомась сотф СВО-нь темать коряс пшкядематнень мархта.
Тядде Уполномоченнайть институтонц лезксонц вельде удалась мрдафтомс Россияв СВО-нь колма участникнень - Мордовиянь эряйхнень. Нинге фкя военнослужащайти лездсть ётамс военно-врачебнай комиссия и тумс военнай службаста. Отечествань шавф аралайть семьянцты лездсть кочкамс документт страховой пандомать и весть максови пособиять получаманкса.
Яна Лантратова китькстазе, што тяни фкя инь эрявикс задачась—ладямс СВО-нь участникнень семьяснон системнай сопровожденияснон.
«Кда ули информацияньке эрь семьять, эрь военнослужащайть, синь радняснон коряс, лисенди, тейнек ули кода пяшкотькшнемс эрь кодама кизефкснень, - китькстазе Мордовиянь Оцюнясь.–Миньцонк работайхть сембе институттне - «Защитники Отечества» фондть региональнай филиалоц, информационнай основной систематне. Кда корхтамс ширень кирдемань мератнень колга, то сембе законодательнай акттне, конатнень примсесаськ, сотфт СВО-нь участникнень мархта, - культурань и спортонь объекттненди питнефтома сашендомась, диспансеризациянь и реабилитациянь ётамась, тонафнемась и трудоустройствась. Саме фкя мяльс, што эрятама фкя обществаса! Тяфтама нежедемать поладсаськ, сон кармай касфневома. Сяськомась марстонь и алятне-цёратне, конат маласькофнесазь,–земляконьке».
«Важна, штоба лезкссь ломанти улель инь маласа сонь регионцонза, ошсонза, районцонза. Няйсаськ, што Мордовияста пшкядематнень лувкссна касы. Сяс Уполномоченнайть региональнай институтонц кемокстама. Спасибан ня кизефксненди мялень шарфтоманкса и Мордовиянь эряйхнень марса прябаласнон решандаманкса», - китькстазе РФ-са ломанень праватнень коряс Уполномоченнайсь Яна Лантратова.
Мордовия Республикань Оцюнять Пресс-службац