«Тячи ВДНХ-в повозь, мокшэрзянь кяльть кулезь, шарьхкодьсак, што тон эрят-ащят Россияса, няфтьсак народть, конац эряй сембе странать эса. Сюконян сембонди участиянкса, тейнек тя принципиальна важна, - мярьгсь Артем Здунов. – Минь аф тяфта сидеста кочксефтяма, тя пингста республикаса лама мезе ульсь. Тинь содасасьть, што минь ширнек тиф особай экономическяй зона. Землячествафтома минь, конешно, аф тисаськ семботь, минь должны азонкшнемс, што Мордовияса можна и эряви покодемс. Можно участвовандамс проектсонок. Кепотьксонди, минь ушедоме фильмань аноклама - полнометражнай фильмась минь святой праведнай воинтть Феодор Ушаковонь колга кармай аноклавома Мордовияса, минь кирдемазь Президентсь. «Мы вместе» сембероссиянь форумсь тяфта жа мзярошка киза ётафневи Мордовияса. Мон тердтядязь тинь сембонь нят мероприятиятненди, обязательна сада. Тейнек тя пяк эряви».
Мекольце кизотнень Мордовскяй землячествась арась сяда эрязкс. Появась од ломанень землячествань паця, кочкаф Мокшэрзянь деловой товарищества, конань участниконза уже инвестировандайхть родной регионтти, кирнесазь общественнай проекттнень и туризмать виензаманц, лездыхть илань организацияса, конат шарфтфт национальнай культурань ванфтомать лангс, кяльть и койхнень. Кепотьксонди, анцек
«Россия» выставкать видеса ётасть республикань Ши, Мокшэрзянь кялень Ши, «Шумбрат» ила.
Республикань Оцюнясь китькстазе: эряви сяда тов марстопнемс землякнень – сембонь, кие путнесы эсь прянц мокшэрзянь народтть ёткс, кие заинтересовандаф бизнес-проекттнень виензамаснон эса эсь шачема масторсост.
Артем Здунов арьсесь землячествав сувайхненди сяда товолдонь цебярь покодема и инь смелай инициативаснон тевс нолдамаснон.
Тиф уже аф кръжа. Кода азондсь Мордовскяй деловой товариществать основателец Денис Шапкарин, кизоста синь пуромксозост сась 60 ломань – тяни товариществаса 140 участник, и синь лувкссна стаки касы. Эрязста моли покодема бизнес-проекттнень, благотворительнай направлениятнень коряс.
Фкясь проекттнень эзда, конанц колга васедемать пингста азондсть Артем Здуновонди, общественнай транспортонь сфераса цифровизациять и аналитикать колга. Предпринимательхне ёрайхть эсь вийснон мархта сувафтомс тя проектть Саранскяи тестовай режимса. Проектсь лезды цебярьгафтомс Саранск ошса общественнай транспортть покодеманц.
Мордовия Республикань Оцюнять пресс-службац