Лятфтасаськ, Васенцетнень Движениясь уль кочкаф Россиянь Президентть инициативанц коряс 2022 кизоня. Сембе странать коряс сонь эсонза участникокс арасть 7 млн ломаньда лама. Мордовияса фалу покодихть 350 первичнай отделения. Васенцекснень Движенияс сувафтфт тя кизоть уже 15 тежяньда лама республикань идь и од ломань, кизоть пенцты синь лувкссна касы 25 тёжяньтти.
«Тя кизоть мон эсь лангсон пяк лац маряйне Васенцекснень Движенияснон. Минь мархтонтт покодттяма фкя панжемаса, тинь – сембе марстонь россиянь повесткань эряз участниктада. Тинь фалу маласотада, сембе мероприятияса, сембе акцияса. Сюкпря теентть тянкса! – мярьгсь Артём Здунов. – Мон аф кунара васьфнень Васенцекснень Движениять руководстванц мархта – синь пяк цебярь ширде дивандасть, кода минь мархтонтт ётафтоськ регионтть презентациянц «Россия» форумса. Мордовиять содасась – и тянь эса тинь оцю путфксонтте!»
Эрявикс направлениятнень ёткса Движенияти маластонь перспективати Мордовиянь Оцюнясь китькстазе: максф республикати Васенцекснень Движениять грантовай пялькстомать экспертонзон тонафтомаснон ётафтомась, регионтть федеральнай грантовай пялькстомаса эряз участияц, а тяфта жа васенце медицинскяй лезксонь максомать коряс чемпионатть этафтомац.
Васенцекснень Движениять покодеманц и сатфксснон колга минь республикасонок азондсь Советонь региональнай отделениянь председательсь Дарья Радайкина. Сембе покодемась мольфтеви принципть коряс: тиемс аф иттнень вастс, а мархтост. Сянкса актуальнай задачась – кирнемс од ломаттнень эрь кодама инициативаснон и лихнемс синь школань уровеньцта ошеннес и республиканскяйс.
Тя кизоть школьникне и СПО-нь студенттне васенцеда примайхть участия Росмолодежень сембе 43 форумса, сявихть эсь лацонь опыт и полезнай сай пингонь профессияти содамашит и маштомат. Мордовиянь од ломаттнень цебярьхть результатсна федеральнай грантовай пялькстомаса – 20 проект арась сяськикс, получандаф синь эряфс ётафтомаснон лангс 10 млн цалковайда лама.
Заседаниянь участникне азондсть Мордовиянь Оцюняти Васенцекснень Движениять эряфонц и эсь сатфксснон колга. Синь ётксост корхтамась мольсь идькс пингонь и юностень фестивальть ётафтоманц колга, конац тяни кармай сяда оцю, «ПРО.КАЧ» од ломанень субкультурань фестивальть ётафтоманц лангс грантть, «ОТТИСК» регионъётконь творческяй проектть культурно-историческяй наследиять ванфтоманц коряс эряфс ётафтомац, Васенцекснень Движениять первичнай отделениятнень ёткса инь цебярь проекттнень ёткса пялькстомаса участиять.
Башка ванф ульсь максф кизонь пчкафты компанияти. Васенцекснень Движениясь сувафтф Мордовиянь кажнай идень лагерьс тематическяй мероприятиянь форматса – сон фатяй 3800 идь. Лагерьхнень эса Движениясь нолдась «Светлячки» региональнай проект – сон шарфтф китнень лангса сетьмоста прянь вятемать лангс.
Васенцекснень Движениять участницац №7-це саранскяень лицейста Полина Палаткина явсь эсь мялензон-арьсеманзон мархта «Россия» выставка-форумть няеманц эзда. Китькстасаськ, што кафкса покодемань ков потмоста сонь ванозь 1150 идь республикаста – синь арасть регионтть стендонц эса эряз участникок, а тяфта жа Васенцекснень Движениять марстонь экспозициять и «Россия – страна возможностей» президентскяй платформать. Полина сюконясь регионтть руководстванцты возможностть инкса тянь сембонь няемс, мезенкса кенярди Россиясь.
Сергей Денисов Рузаевскяй райононь №4 лицейста азондозе, кода Движениясь лездсь теенза повомс «Новости Первых» сембероссиянь медиапроектти. Сон азсь мяль ётафтомс регионца пялькстома школьнай медиацентратнень ёткса. Артём Здунов тя инициативать кирдезе.
Мероприятиять песа кочкафне примасть участия юннатскяй акцияса – кудонь касыксонь озафтомаса. Эрь участниксь кадсь кашпоть лангс эсь мяляфтови арьсеманц.
«Тинь лама идеянтте, катк синь фалу ётнихть республикань эряфти. Тяда пель няфтемс эсь прянттень, касондода-вииякшнеда, арьседа и путнеда эхянь оцю цельхт!» - арьсесь Васенцексненьди Мордовиянь Оцюнясь.
Мордовия Республикань Оцюнять пресс-службац