Евгений Тюрин азондсь региональнай отделениять лезксонь максоманц колга специальнай военнай операциянь участникненди. Сонць депутатсь сисемксть ни ульсь российскяй од территорияса и СВО-нь зонаса гуманитарнай миссия мархта, сембоц жа фракциясь арафтсь 40-да лама гуманитарнай грузонь лезксонь максома. Тя тевсь вятеви марса волонтерскяй организациятнень, бизнес-сообществать и панжада вайме ломаттнень мархта. Мекольце кафта гуманитарнай миссиятнень кочкамста, конат шоворсть фкас фракциять депутатонь всероссийскяй васедемань ётафтомста, ульсть ётафтфт боецнень мархта васедемат – сембе кяпотьф кизефкссна-пшкядемасна ульсть арьсефт педа-пес и тячи мольфтеви лядыкснень лангса покодема.
«Ускоме сюконяма вал войнскяй частьста боецоньконь тядянцты, кона тяни максы воинскяй долгонц эса. Сяда мала пингть монць кядьста кядьс максса сонь тядянцты, кона эряй Инсарскяй районца», - шарфтсь мяль Евгений Тюрин.
Мордовиянь Оцюнясь кирдезе покодемаса тя мяльть: «Инь эрявикссь сянь эса, што тинь усктада сянь, мезе пяк эряви, содасасть ломаттнень вешфксснон и учемаснон».
Тяфта жа васедемаса шарфтфоль мяль Мордовияса ётафтови илатнень лангс, конат арьсевихть нолдамс тевс 2026-це кизоня Владимир Жириновскяень шачема шистонза 80-кизонь топодевомати – Президентсь путозе ни кяденц тевс нолдаф указть алу. Евгений Тюрин тяфта жа азсь мяль Мордовияса кочкамс кадетскяй корпус и мрдафтомс Михаил Девятаевонь лемса аэроклубть.
Мордовия Республикань Оцюнять Пресс-службац