Ульсь азф, што заводсь савор пяшкоди производствать касфтоманц эса - мекольце кизотнень синь кассть нилень крда. Ётай кизонь тиф тефнень коряс продукцияда ульсь нолдаф 12,5 млрд. цалковай. Тя касомати оцю лезкс макссь производствать келептевомац 16 инвестиционнай проекттнень тевс сувафтовомаснон вельде. Тя кизоть шумордавома лангсот ниле инвестпроекттне. Нолдафт од направленият.
«Цветлитть» продукцияц пяк эряви тячиень шить и сон келиста нолдави тевс строямаса и энергетикаса – кудга, школава, больницява, идень садга, кудберьф васстнень мазолгофтовомста. Мордовияса тиф кабельсь пяк учеви масторганк – эсьотям строявомаста сявомок мянь социальнай оцю объекттнень путомаснонды.
Тячи предприятияса покоди 500 сятта лама ломань, а тядде эрь ковста средняй зарплатась получаф цалковай коряс пачкодсть 100 тёжянь цалковайс.
Мордовия Республикань Оцюнясь толкавась заводть кадровай политиканц колга. Евгений Бурканов азондсь, што кабельщиконь кадраттне аноклавихть Саранск ошень колледжса, а покодема лиси од работникне ётайхть колма ковонь оду ряд тонафнемань курсат. Тяда башка, заводсь макссь покодема сяда аф стака вастт ламоц аватненди.
«Мекольце кофнень няеви кода кемокстай рынкаса покодема вийхнень вастсна. Ламоц покодихне сайхть заводу республикань райоттнень эзда, конат тяда инголе покодсть вахтаса, - азсь мяль Евгений Бурканов. – Инь цебярь покодикс лувовихть сят, конатнень улихть семьясна, шабасна, - кинди эряви покодема нарде васта и козя зарплата».
Артём Здуновонь тусь мялезонза кабельнай производствать вятевомац, тяка пингть шарфтсь мяль социальнай вешфкснень кирдемаснон колга коллективть инголе.
Мордовия Республикань Оцюнять Пресс-службац