Советть прявкс целец – тиемс земляконеконь ёткса коммуникациянь виде канал (васендакиге, вяти московскяй вузонь студенттнень эзда) и властень оргаттнень и Мордовиянь работадательхнень. Координаторкс кармай МР-нь од ломанень тефнень коряс Госкомитетсь «Мон содаса, што тинь ваттада республикать эряфонц мельге. И тя виде – эряви содамс, мезе тиендеви шачема масторть лангса. Верондада теень, кизоттнень мархта тинь шарьхкодьсасьть нят питнишитнень. Минь республикасонок ётни лама мялень салайда. Минь касфнетяма-виияфнетяма особай экономическяй зона, минь лидерхтама промышленнай вагоностроениять, фармацевтикать, велень хозяйствать коряс. Тяни шарьфнетяма оцю мяль биотехнологиянь областьса покодемати – тиенттяма инь оцю федеральнай центрать эса», - мярьгсь Артем Здунов.
Регионса эрязста виензакшни IT-секторсь - кепотьксонди, видеоналхксемань индустриясь. Мекольце колма кизотнень импортозамещениять видеса Саранскяйса тонатф эсь лацонь противовируснай препаратонь нолдамась, электротранспортонди заряднай стандиянь тиемась, «Р-фон» смартфононь Rosa Mobайile российскяй операционнай системать лангса и лама лия изделиянь нолдамась. Республикась эрязста покоди сянь лангса, штоба асу од ломаттне, инь цебярь школань и вузонь выпускникне сашендольхть меки. Од специалисттненди макссеви конкурентоспособнай зарплата, социальнай пакет, дополнительнай стипендият, корпоративнай тонафнема, карьернай касоманди возможность. Ули наставничествань система.
Од ломанень мокшэрзянь землячествать мялензон-арьсеманзон колга азондсь республикань Постояннай представительствать видеса од ломанень советть руководителец Андрей Бутяйкин. Республикань Оцюнясь китькстазе, што од ломанень пацять инициативанза обязательна кармайхть киртьфт.
Мордовия Республикань Оцюнять пресс-службац
Фотось: Мордовиянь Кулятнень