Республикань Оцюнясь примась решения оцю населённай пукттнень, а стане жа транспортнай инфраструктурати мала территориятнень эса лама ломанень пуропни васттнень видеонаблюдениянь системаса дополнительна козякофтомаснон колга.
Артём Здунов лятфтазе: тя недялять странаса лиссть оцю зиятт. Тя, кепотьксонди, Ижевскяень школаса ляцендемась,, ляцендема мархта случайсь Иркутскяй областьса, телефоннай террористтнень очередной атакасна, конань алу повсть социальнай и административнай учреждениятне.
«Антитеррористическяй комиссиять рамкаса минь мархтонт фалу мольфттяма работа тя ширетнень коряс, крхкаста семботь колга корхнетяма, - мярьгсь Мордовиянь Оцюнясь. – АТК-ть тяда ингольдень заседаниянзон пингста минь лама корхтаме образовательнай организацияньконь аф пельксокс улемаснон колга. Лятфтаса, што тяниень пингть могут улемс провокациятка, и омба масторонь спецслужбатнень и диверсанттнень активностьсна может касомс. Референдупне шумордавсть – сембе Российскяй Федерациять пользас. Провокацият эрсихть и ведть ала, и модать лангса. А сембода лафча васттне – тя социальнай, образовательнай объекттне, Эрьда ванцаськ, кода минь тянди аноктама. Тяда башка, могут улемс провокацият частичнай мобилизациять ётафтомстовок, а стане жа военнай службас тердемать коряс ётафтови работать пингста. Сембонди шарьхкотькшнема: эряви улемс фалу анокшинь и активнай профилактикань режимса».
Республикань руководительсь отмечазе оттнень мархта профилактическяй работать оцю значениянц. «Пяк важна араламс экстремисттнень влиянияснон эзда од ломаненьконь. Карматама путнема задачат волонтёрхнень инголе – теест стане жа аш кода тяни ащекшнемс тевфтома, тяконь лувксса лезнема военнослужащайхнень семьяснонды».
Мордовия Республикань Образованиянь министерствати максф поручения поладомс ваномать сянь мельге, конашкава лац содасазь образовательнай организациятнень руководствасна и персоналсь кода вятемс прять экстремальнай ситуацияса, тяконь лувксса террористическяй пельксонь пингста.
Стане жа заседаниять пингста ванфоль, кода исполнительнай властень и местнай самоуправлениянь оргаттне пяшкотькшнесазь Мордовия Республикань Антитеррористическяй комиссиять решениянзон. Примаф решения таргамс ответственностьс должностной лицатнень, конат ашезь пяшкоде комиссиять мархта примсеви решениятнень.
Мордовия Республикань Оцюнять пресс-службац