25 июньста проектть эряфс ётафтоманц коряс кизефкснень ванозь республикать Правительстваса Россиянь Минздравть прявкс внештатнай специалистонц репродуктивнай шумбрашить коряс, РФ-нь Общественной палатав сувайть Олег Аполихинонь участиянц мархта.
Лятфтасаськ, странань Президентсь Владимир Путин Федеральнай Собранияти Посланияса путсь задача маластонь кота кизотнень сатомс кеме шачемань касома. Тянди кармайхть примсевома эрь кодама решеният касфтомань и образованиянь системаса, региональнай и экономическяй виензамаса. Штоба касфтомс шачихнень и лама идь мархта семьяттнень лувксснон, 2025 кизоня минь странасонк сяви ушеткс «Семья» од национальнай проектсь.
Пилотнай проектсь, конац кармай нолдаф Атяшевскяй районса, кармай межведомственнай. Республикань Оцюнять мархта путф задача тиемс мероприятиянь план, конац кармай шарфтф репродуктивнай шумбрашинь ванфтомать, од ломаттнень ёткса рисконь факторхнень мумаснон, семьянь питнишитнень и шумбра эрявонь вятемать пропаганданц лангс.
Мордовия Республикань Оцюнять пресс-службац