«Магма ХД» предприятиять базаса 2022 кизоня ульсь нолдаф видьмонь нолдамать коряс од завод. Процессь марнек автоматизировандаф, частста ламаступенчатай очисткада, сталмонь и размеронь коряс калибровкада, протравливанияда и фасовкада меле тяса аноклайхть 12 тонна посевной материал.
«Мзярошка киза касыксонь секторть эса эвондась видьмонь качествань касфтомать эрявиксшиц. Аньцек уликс оборудованиясь ашезе максе тянь тиемс. Рамаф видьмотне стяня жа аф песа пес ульсть пархт. Сянкса ульсь примаф решения путомс семенной завод, тиемс сонь инь цебярь уровеньца. Тя кармай лездома результативностти и сельхозкультурань урожайность касфтоманцты», - азондозе инжихненди семенной заводть проектонц вятиец Артемий Сиушов.
Цехть нолдаманц мархта, инвестициятне конанцты няфтсть 175 млн цалковайда лама, предприятиясь 100 %-тс анокласы семенной фондть эсь виензон мархта. Видьмонь виензамась няфтьсь 99 %. Ши потмоста заводса кенерькшнихть сортировандамс 150 тоннать малава видьме. Сембе синь эстокиге тушендыхть паксятнень лангс, яровойхне лядондыхть серонь ванфтома вастса.
Делегациясь странань Минсельхозть руководителенц мархта ульсь и «Магма ХД» компаниять паксянц лангса. Тундань-паксянь покодематне агрогруппать участканзон лангса ушедсть 11 апрельста, тяни моли куфтулонь и тозеронь озафтомась, сяда тов мольфтеви минеральнай удобрениянь ёрямась. Эрь шиня пяксятнень лангса покоди 100 ломань, заняф 100 единица сельскохозяйственнай техника. Тяниень пингонь технологиятне касфнесазь покодемать эффективностенц и лездыхть валхтомс себестоимостть. Тяса эрязста сувафневи транспортонь мониторингонь системась, тя лезды вишкста кочксемс машинатнень киснон и тиф работать колга информациять.
Эряви китькстамс, што «Хорошее дело» агрогруппась покоди кефкие республикань районононь и Ульяновскяй областень Сурскяй райононь паксява. Сембе касфтф паксянь серотне туйхть холдингть жуватанзонды кормань анокламс.
Мордовия Республикань Оцюнять пресс-службац