Инсара ляйть берякса панчф фотовыставка, кона лемтьф Сяськома Шить 80 кизонь топодевоманцты

Инсара ляйть берякса панчф фотовыставка, кона лемтьф Сяськома Шить 80 кизонь топодевоманцты

Сяськома Шиста, мзярда сембе кенярдезь и учезь васьфтсть эсонза, масторганк ётафтовсть якама экскурсият регионть «Экскурсии со Знанием» мяляфтови вастованза.   9-це майста Мордовия Республикань Оцюнясь Артём Здунов ётазе-ванозе «Время для тишины» фотовыставкать, кона панчф Инсара ляйть берякса «Мордовия Арена» стадионть ваксса и лемтьф Сяськомать 80-нь кизонь топодевоманцты. Тя художественнай портретонь  целай серия, коса няфтьфт  Великай Отечественнай войнань лятф шиса ветераттне мекольцетнень ёткста.  Тя фронтовикт, удават, концлагерень узникт, тылонь труженикт – сембе, кие виень аф ужяльдезь лездсь сяськомс фашизмать и вятемазь тячиень шити.  Ламоцненди, конат няфтьфт фотографияса,  топодсь 100 киза. 

Выставкась панчф  Российскяй фондть лезксонц вельде, Российскяй военно-историческяй обществать, Петр Барышниковонь  искусствань и фотографиянь вииямань коряс фондонц и Саранск ошень администрациять сотксснон вельде. Фотографиятнень авторсна Андрей Смольников, Ставропольскяй фотохудожниксь, Севернай Кавказса тюремань  участниксь.  Сон и азондозе Республикань Оцюняти кода ульсь арьсеф выставкась и няфтезень эсь работанзон. 

Выставкать эрявиксшиц – кадомс и ванфтомс мялямса ломаттнень, конат ётазь кяжи войнать и сяськозь сонь. Синь эряфсост   няеви народнай подвигть няфтевомац. Кивок аф юкстаф! Мезьскевок аф юкстаф! 
Мордовия Республикань Оцюнять мархта тя выставкать ётазь-ванозь СВО-нь участникне. Шабань и од ломанень общественнай организациятнень активистсна, вузса тонафни студенттне. 
Выставкась мольфтеви 2025 кизонь июленц пес самс.

Мордовия Республикань Оцюнять Пресс-службац