Ирина Васильевна шачсь 1977 кизоня Саранск ошса. 2000 кизоня шумордазе М.Е. Евсевьевонь лемса МГПИ-ть «Физическая культура и спорт» специальность коряс, 2012 кизоня - Н. П. Огаревонь лемса МГУ-ть «Государственное и муниципальное управление» специальность коряс, в 2014 - Мокшэрзянь гуманитарнай институтть «Юриспруденция» направлениять коряс.
Ирина Станкина – Россиянь заслуженнай спортонь мастер, сембе масторонь чемпионка лёгкай атлетикать коряс (спортивнай молема), сембе масторонь чемпионка юниорхне ёткса, Россиянь ламонькърда чемпионка, кафта Олимпиадань участница: Атлантаса и Сиднейса. Покодемань кинц ушедозе 1996 кизоня МР-нь спортивнай молемать коряс олимпийскяй анокламань Центраса, 10 кизот покодсь региональнай МВД-са.
Республикань спортонь министерствас васенце полафтыень должностьс путомати покодсь Российскяй Федерациянь Президентть видеса Мордовия Республикань Постояннай представительстваса.
Мордовия Республикань Оцюнять пресс-службац